بینعلی ییلدیریم ایراندا دانیشدی
"بیر ترور هؤرگوتو ایله مباریزه ائتمک اوچون باشقا بیر ترور هؤرگوتونو قوللانماق آغیل آلماز بیر ایشدیر"
تورکیه بؤیوک میلت مجلیسی باشقانی بینعلی ییلدیریم، آمریکانین ترور هؤرگوتو پید/یپگیه دستک وئرمهسینه ایراندا تپکی گؤستردی.
تورکیه بؤیوک میلت مجلیسی باشقانی ییلدیریم، ایرانین باشکندی تهراندا "تروریزمله مباریزه و بؤلگهسل باغلانتیلیلیغین گوجلندیریلمهسی ۲.نجی مجلس باشقانلاری کنفرانسی"نا قاتیلدی. بینعلی ییلدیریم، کنفرانسدا ائتدیگی دانیشمادا، "بیر ترور هؤرگوتو ایله مباریزه ائتمک اوچون باشقا بیر ترور هؤرگوتونو قوللانماق آغیل آلماز بیر ایشدیر" دئدی.
آچیلیشدا چیخیش ائدن ایران پرزیدنتی حسن روحانی ده، آمریکانین اؤلکهسینه قارشی تحریمینی تنقید ائتدی.
بو آرادا، ایران دیش ایشلری باخانی محمد جواد ظریف، کنفرانس اؤنجهسی آچیکلاماسیندا، آمریکانین بؤلگه اولکهلرینه ایهتیاجیندان چوخ سلاح ساتدیغینی ایفاده ائتدی.
دیش ایشلری باخانی ظریف، "بو آمریکانین بؤلگهده ایزلهدیگی پولیتیکانین چوخ تهلوکهلی اولدوغونون بیر گؤسترگهسیدیر. بو ایزلنن پولیتیکا بؤلگهنی، باریش و تهلوکه سیزلیگه هئچ بیر فایدا سونمایاجاق شکیلده گلیشمیش و ییخیجی سلاحلارلا دولو بیر باروت آنبارینا چئویرمیشدیر." دئدی.
ظریف، وتشینگتونون بؤلگهنی چئشیدلی بهانهلرله سلاح گؤندردیگینی بیلدیررک، "آمریکالیلارین سلاحلاری یمنده القاعده و سوریهده داعشین الینه گئچدی. بونو آوروپالی قازئتهلردن اوخودوق. بو دوروم گوونلیگیمیزه سورکلی بیر تهدیددیر" دئدی. ت
ئهراندا تورکیه، ایران، روسیا، چین، پاکیستان و افغانیستانین ایشتیراکییلا تشکیل ائدیلن کنفرانسدا ایران، روسیا و تورکیهنین سوریهدهکی یاشاریلی امکداشلیغینا دا دقت چکیلدی.