ال یاپیمی پاتلاییجی پاتلادی

پاکیستان‌دا، یول کنارینا یئرلشدیریله‌ن بومبانین پاتلاماسی نتیجه‌سین‌ده ۲ نفر حیاتینی ایتیردی.

پلیس مقاملارینین وئردیگی آچیقلامایا گؤره، خیبر پهتونخوا ایالتینین باجور بؤلگه‌سین‌ده، نامعلوم شخصلر طرفیندن یول کنارینا قویولان ال یاپیمی پاتلاییجی، بیر ماشینین گئچیشی زامانی پاتلادی.

پلیس، حادثه‌نین آردین‌دان افغانیستان-پاکیستان سرحدین‌ده یئرلشن بؤلگه‌نین گوونلیک آلتینا آلیندیغینی آچیقلادی.

پاتلاما، دونن گون ایچینده باش وئره‌ن ایکینجی حادثه اولدو.

بلوچستان ایالتینین افغانیستان سرحدین‌ده یئرلشن چمن‌ده ائدیلن ایلک سالدیری‌دا ایسه بیر مسجده یئرلش‌دیریله‌ن بومبانین پاتلاماسی نتیجه‌سین‌ده آرالارین‌دا مسجیدین ایمامینین دا اولدوغو ۱۰ نفر یارالانمیشدی.

پاتلامالارین باش وئردیگی ایکی بؤلگه ده تئز تئز طالبانین سالدیریلارینا هدف اولور.