یمن'ین عدن امنیت مسئولو، سوی-قصد نتیجه‌سینده اؤلدو
اطراف خسته‌خانا‌لارا آپاریلان یارا‌لی‌لاردان ایکی‌سی‌نین وضعیتی‌نین آغیر اولدوغو بیلدیریلیب
یمن'ین جنوبون‌داکی عدن شهرینده یوکسک سویه‌لی امنیت مسئولو، تشکیل اولونان سوی-قصد نتیجه‌سینده اؤلدو.
شاهیدلر‌دن آلینان معلوماتا گؤره، کیملیگی هله کی معین ائدیلمه‌ین سیلاح‌لی اوچ سالدیرقان، بیرلشیک عرب امیرلیک‌لری طرفیندن دستک‌لنن گوجلری قوموتان کؤمکچی‌سی ژنرال فهد حسین غرامه "حزام الامنی" ائوی‌نین قارشی‌سیندا آتش آچدی.
ژنرال غرامه'نین اؤلدوغو سالدیریدا همچینین ائوین بؤیرون‌دکی قیز مکتبی‌نین طلبه و معلم‌لرین‌دن 6 نفر یارالانیب.
اطراف خسته‌خانا‌لارا آپاریلان یارا‌لی‌لاردان ایکی‌سی‌نین وضعیتی‌نین آغیر اولدوغو بیلدیریلیب.
سیلاح‌لی شخص‌لرین، سالدیری تشکیل ائتدیک‌لری ماشینلا حادثه یئرین‌دن قاچدیغی بیلدیریلیب.
غرامه'نین قوموتان معاوینی ایله حزام الامنی‌نین مالی و اینظیباتی ایشلرین‌دن مسئول اولدوغو بیلینیر.
یمن حکومتی‌نین موقتی پایتخت اعلان ائتدیگی عدن شهری، زامان زامان پولیس و حکومت مرکزلرینه سالدیری‌لار، دین آداملاری ایله پولیس نماینده‌لرینه قارشی سوی-قصد حرکتلرینه شاهید اولور.
