کوالیسیوندان اورتاق نظارت آچیقلاماسی
سوریه-ده کی داعش علیهینه کوالیسیونون بیرلشمیش وظیفه قوهسی قوموتان معاوینی اینگیلیس کریستوفر گیکا منبیچ-ین تهلوکهسیزلیگینین تامینی اوچون وئردیگی دستکه گؤره تورکیه-یه میننتدار اولدوغونو بیلدیردی.
سوریه-ده کی داعش علیهینه کوالیسیونون بیرلشمیش وظیفه قوهسی قوموتان معاوینی اینگیلیس کریستوفر گیکا منبیچ-ین تهلوکهسیزلیگینین تامینی اوچون وئردیگی دستکه گؤره تورکیه-یه میننتدار اولدوغونو بیلدیردی.
ژنرال گیکا امریکانین مودافعه ناظیرلیگیندن (پنتاگون) ویدئو-کنفرانس واسطهسیله تورکیه و امریکانین منبیچ-ده حیاتا کئچیردیگی اورتاق نظارت پروقرامینا دایر آچیقلاما وئردی.
ژنرال منبیچ-ده داعش-ین یئنیدن اورتایا چیخماسینین قارشینی آلماق و قاچقینلارلا ائولرینی ترک ائدن اینسانلارین قاییتماسینا ایمکان یارادیلماسینین هدفلری آراسیندا اولدوغونو سؤیلهدی.
گیکا تورکیه-نین سوریه-نین قوزیی دوغوسوندا ترور تشکیلاتی ی.پ.گ/پ.کا.کا-یا مخصوص دوشرگهلری وورماسیندان سونرا امریکانین بؤلگهده نظارت فعالیتلرینه باشلادیغی خاطیرلادیلدی.
ژنرال گیکا بونون قارشیسیندا دئدی کی، اورادا هله ده گرگین وضعیت وار. گرگینلیگی آزالتماق طرفلرین منفعتینهدیر. بئلهلیکله بیز ده داعش-ین دایمی شکیلده مغلوب اولماسینی تمرکز ائتمه لییک. ایکی بیرگه نظارتیمیز اولدو و خیلی ثمرهلی کئچدی. پلانا صادق شکیلده فعالیتلری داوام ائتدیریریک.
تورکیه-نین ی.پ.گ/پ.کا.کا دوشرگهلرینه توپ آتشی داوام ائدجگی تقدیرده امریکانین منبیچ اورتاق نظارتینی دایاندیریب دایاندیرمایاجاغینا دایر سوالا جاوابن ژنرال بیلدیریب کی، منبیچ یول خریطهسی ایکی ناتو طرفداشی آراسینداکی ایکی طرفلی سازیشدیر. داعش تهدیدینه قارشی منبیچ خالقینین تهلوکهسیزلیگینی تامین ائتمک اوچون بیرگه ایشلهمهلییک . بونون نئجه ایرلیلیهجگینی تخمین ائتمهیه جهد گؤسترمک ایسپکولاسیون اولار دئیه فیکیرلشیریم. بو بیرگه نظارت ایشلری سونونجو وضعیت دئییل. بونون سونا چاتاجاغینا دایر بیر تقویم یوخدور و منبیچ خالقینین تهلوکهسیزلیگینی تامین ائتمک مقصدیله داوام ائدن بیر پروسه دیر.