عسگرلرینی گئری چکدی
"آرتیق بیرلیکلریمیز گئری دؤندو و ایلیشکیمیز قالمادی"
مالزی دیش ایشلری باخانی سیف الدین عبدالله، مالزی سلاحلی گوجلرینین سعودی عربیستانداکی عسگرلرینی گئری چکدیگینی آچیقلادی.
باخان سیف الدین، رسمی سفر اوچون مالزییه گلن عربیستان خاریجی ایشلر باخانی عادل الجوبیر ایله گؤروشونون آردیندان وئردیگی آچیقلامادا، یمندهکی ایچ ساواشین باشلاماسینین آردیندان عربیستان رهبرلیگی آلتیندا یارادیلان عرب کوالسیونونا داخیل اولان مالزی حربی بیرلیکلرینین، ریاضدان آیریلدیغینی دئدی.
سیف الدین، "آرتیق بیرلیکلریمیز گئری دؤندو و ایلیشکیمیز قالمادی" دئیهرک، مالزی اوردوسونون یمندهکی حربی کوالیسیونون بیر پارچاسی اولماماسینا دایر حکومتین وئردیگی قرار حاقیندا سعودی باخانا معلومات وئردیگینی ایفاده ائتدی.
مالزی ساوونما باخانی محمد سابو، ژوئن آییندا وئردیگی آچیقلامادا، اؤلکهسینین عربیستانداکی حربی مؤوجودلوغونو گؤزدن کگئچیردیکلرینی بیلدیرمیشدی.
مالزی، گئچمیش باشباخان نجیب رزاقین حکومتی دؤورونده، یمندهکی مالزی وطنداشلارینین تخلیهسینی تامین ائتمک اوچون ۲۰۱۵ده عربیستانا حربی بیرلیک گؤندرمیشدی.