"آرخاسیندا اسد رژیمی و ایران وار"
اسراییل: امرین دمشق ایله ایران انقیلاب محافظلری قدس گوجو طرفیندن وئریلدیگینی بیلیریک
ایسراییل، محاصره آلتینداکی غزه زولاغیندان سرحدین ایسراییل طرفینه راکت آتیلماسینین آرخاسیندا سوریهدهکی اسد رژیمی و ایرانین اولدوغونو ادعا ائتدی.
ایسراییل اوردوسوندان وئریلهن آچیقلامادا،
"ایسراییله آتیلان راکتلرین امرینین و تشویقینین دمشق ایله ایران انقیلاب محافظلری قدس گوجو طرفیندن وئریلدیگینی بیلیریک" ایفادهلری یئر آلدی.
آچیقلامادا، راکتلرین اسلامی جیهاد حرکتی طرفیندن آتیلدیغی قید ائدیلرکن، غزهنین رهبرلیینی الینه توتماسی سببیله حماسین دا بو حادثهدن سوروملو اولدوغو ادعا ائدیلدی.
ایسراییل اوردوسونون، هر جور سناریویا حاضر اولدوغو ایفاده ائدیلهن آچیقلامادا،
"ایسراییل اوردوسو غزهدن گلهجک هر جور ترور سالدیریسینا مثلی ایله قارشیلیق وئرهجکدیر" ایفادهلری یئر آلدی.