ظریف: امریکا ایران تحریم لری ایله خاشقجی جینایتینی اؤرت-باس ائتمک ایستییر
ایرانین خاریجی ایشلر ناظیری محمد جاواد ظریف بیلدیریب کی، امریکانین ایرانا قارشی یئنی تحریم لر ایله سعودیه عربیستانی ژورنالیستی جمال خاشقجی جینایتینی دونیا ایجتیماعیتینین دقتیندن یاییندیرماق ایستییر.
ایرانین خاریجی ایشلر ناظیری محمد جاواد ظریف بیلدیریب کی، امریکانین ایرانا قارشی یئنی تحریم لر ایله سعودیه عربیستانی ژورنالیستی جمال خاشقجی جینایتینی دونیا ایجتیماعیتینین دقتیندن یاییندیرماق ایستییر.
تویتر حسابیندان امریکا ایله مرکزی سعودیه عربیستانیندا یئرلشن ترور مالیه لشدیرمهسینی هدف آلما مرکزینین (FTFC) طالبانا دستک وئردیکلری ادعاسی ایران و تشکیلاتلا علاقهلی 9 نفرین ترور سیاهیسینا داخیل ائتمهسینه رئاکسیا گؤسترن جاواد ظریف یازیب:
امریکا سؤزوگئدن تحریم لر ایله دقتلری خاشقجی جینایتیندن باشقا سمته چکمهیه چالیشیر.
امریکا خزینه ناظیری سعودیه عربیستانیندا اولدوغو زامان ایستانبول و یمن-ده تؤرهدیلن سعودی وحشیلیگینی اؤرت-باسدیر ائتمک اوچون ایرانا قارشی طالبانی دستکلهدی، ایرانا تحریم گتیردی. گؤروندوگو کیمی، طالبان ایله تهران دئییل، واشینگتن موذاکیرهلر آپاریر."
قئید ائدک کی،امریکا خزینه ناظیری استیون منوچین 23 اوکتبردا سعودیه عربیستانینین پایتاختی ریاض-دا ائتدیگی سفر زامانی وئردیگی آچیقلامادا امریکا و سعودیه عربیستانینین همصدری اولدوغو "ترور مالیه لشدیرمهسینی هدف آلما مرکزینین (TFTC) طالبان و ایرانلا علاقهلی 9 نفری ترور سیاهیسینا داخیل ائدیلدیگینی بیلدیردی. بونلارین ایکیسی قودس اردوسوندان، ایکیسی پاکیستان و بئشی افغانیستانداندیر.
همین گون سعودیه عربیستانی ایله بحرین ده سپاه پاسداران اردوسو و قودس اردوسونون قوموتانی قاسیم سلیمانینین ده آدینین داخیل اولدوغو 3 نفری ترور سیاهیسینا سالیب.