باقری: بو بیر باشلانقیج
باقری، داعش ایله بیرلیک‌ده سالدیرینی تشکیل ائد‌ن ایران قارشیدی قروپون لیدئرلرینین آوروپا اؤلکه‌لرین‌ده اولدوغونو دئدی
ایران باش قرارگاه رئیسی ژنرال باقری، اؤنجه‌کی گئجه، سوریه‌نین دیرالزور بؤلگه‌سینه تشکیل ائتدیکلری موشک سالدیریسینین "داوامینین گله‌جیینی" دئدی.
محمد باقری، سوریه‌نین دیرالزور شهرینه باغلی البو کمال ائلچه‌سینه ائدیلن موشک سالدیریسینا دایر،
"بو بیر باشلانقیجدی، داوامی گله‌جک" دئدی.
باقری، تهران‌دا قاتیلدیغی بیر پروگرام‌دا، اینقیلاب محافظلری اوردوسونون، البو کمال ائلچه‌سینه ائتدیگی موشک سالدیریسی ایله باغلی آچیقلاما وئردی.
ایرانین اهواز شهرینه قارشی سالدیریدان سونرا سون بیر هفته‌ده "اویغون جاواب" اوچون مختلیف آددیملار آتدیقلارینی بیلدیرن باقری، استخبارات ایشلری نتیجه‌سین‌ده سالدیرقانلارین، ایران قارشیدی بیر قروپلا ارتباط‌لی اولمالارینا باخمایاراق داعش طرفیندن دیرالزوردان یؤنتیلدیکلرینی معین ائتدیکلرینی بیلدیردی.
موشک سالدیریسینین "اوغورلا ایجرا ائدیلدیگینی" و داعشین بیر چوخ باشچیسینین اؤلدورولدویونو دئین باقری،
"بو بیر باشلانقیجدی، داوامی گله‌جک. تروریستلر ایرانین انتیقام آلاجاغینی بیلمه‌لی‌دیر" ایفاده‌لرینی ایشلتدی.
ایرانا عاید اینسان‌سیز هاوا آراج‌لاری دا بیر ایکی اؤلکه آشاراق هدفه چاتدیقلارینی قید ائد‌ن باقری، موشکلرین آمریکا حاکیمیتینده‌کی داعش بؤلگه‌لرینی هدف آلدیغینی بیلدیردی.
باقری، داعش ایله بیرلیک‌ده سالدیرینی تشکیل ائد‌ن ایران قارشیدی قروپون لیدئرلرینین آوروپا اؤلکه‌لرین‌ده اولدوغونو دئدی.
کرمانشاه شهرین‌دن آتیلان موشکلرین ۷۵۰ کیلومتر منزیل‌لی "ذولفقار" و ۸۰۰ کیلومتر منزیل‌لی "قیام" موشکلری اولدوغو بیلدیریلمیشدی.
