ایسرائیلین، شام هاوا لیمانینا موشک سالدیریسی ائتدیگی ایرهلی سورولدو
اسد رژیمینین اینفورماسیون آژانسی، خبرینده، پایتختین شرقیندکی دمشق هاوا لیمانینین ایسرائیل طرفیندن موشک سالدیریسی ایله هدفه آلیندیغینی ادعا ائدیب
ایسرائیلین، سوریه دکی شام هاوا لیمانینا موشک سالدیریسی ائتدیگی ایرهلی سورولدو.
اسد رژیمینین اینفورماسیون آژانسی SANA، نیظامی منبعلره اساسلاندیردیغی خبرینده، پایتختین شرقیندکی دمشق هاوا لیمانینین ایسرائیل طرفیندن موشک سالدیریسی ایله هدفه آلیندیغینی ادعا ائدیب.
آژانسین خبرینده، "هاوا ساوونما سیستملریمیز، دمشق هاوا لیمانینی هدفه آلان ایسرائیل سالدیریسینی پوسکورددو و بعضی موشکلرینی ده مهو ائتدی." ایفادهسینه یئر وئریلیب.
ایسرائیلدن مسئله ایله باغلی هر هانسی بیر آچیقلاما ائدیلمهییب.
اسد رژیمی، 4 سپتامبردا ایسرائیل ساواش اوچاقلارینین اؤلکهنین مرکزیندکی حما و غربیندکی آغدنیزی ساحلینده یئرلشن تارتوس شهرلریندکی بعضی نیظامی بؤلگهلره هاوا سالدیری ائتدیگینی ادعا ائتمیشدی.
ایسرائیل، سون بیر نئچه آیدا سوریه نین حمص، کونئیترا، درعا و دمشق ایالتلریندکی رژیم و دستکچیسی ایرانا مخصوص نیظامی نقطهلره موختلیف سالدیریلار تشکیل ائتمیشدی.