نتانیاهو ایرانی اویاردی

"ایران، باب المندبی باغلاماغا چالیشسا قارشیسین‌دا بونا مانع اولاجاق گوج‌لو بیر اولوسلارآراسی کوالیسیون گؤره‌جگیندن آرخایینام"

1024267
نتانیاهو ایرانی اویاردی

ایسراییل باشباخانی بنیامین نتانیاهو، ایرانی، قیزیل‌دنیزده‌کی باب المندب بوغازینی باغلاماق گیریشیمینه قارشی اویاردی.

اؤلکه‌نین قوزئیین‌ده‌کی حیفا دنیز مرکزینده، دنیز سوبایلارینین ماذونیت مراسیمین‌ده دانیشان نتانیاهو،

"ایران، باب المندبی باغلاماغا چالیشسا قارشیسین‌دا بونا مانع اولاجاق گوج‌لو بیر اولوسلارآراسی کوالیسیون گؤره‌جگیندن آرخایینام. بو کوالیسیونون ایچین‌ده ایسراییل ده اولاجاق" دئدی. آنجاق کوالیسیونون هانسی اؤلکه‌لردن اولوشاجاغی ایله باغلی معلومات وئرمه‌دی.

نتانیاهو، دنیزین اؤزلرینه بیر چوخ ایمکان یاراتدیغینی، بو یوللا ایسراییل گمیلرینین گئنیش بیر ساحه‌یه چاتدیغینی و بونون دا اؤلکه‌یه بؤیوک بیر گوج قاتدیغینی سؤزلرینه علاوه ائتدی.

یمن‌ده، ایران دستک‌لی حوثیلر گئچن هفته قیزیل‌دنیزده عربیستانا عاید ایکی نفت گمی‌سینه سالدیرمیشدی.

سالدیری‌دا تانکرلردن بیری خسارت آلیرکن ریاض، باب المندب بوغازین‌دان نفت ترانسفرینین آسقییا آلیندیغینی بیلدیرمیشدی.

قدس گوجو باشی قاسم سلیمانی سالدیرینین آردین‌دان وئردیگی آچیقلامادا، "قیزیل‌دنیزین آرتیق آمریکا اوچون گوونلی اولمادیغینی" سؤیلمیشدی.



ایلگیلی‌لی خبرلر