یونانیستان-دا اولن لرین سایی 91 نفره چاتیب
یونانیستان-دا باش وئرن مئشه یانغین‌لاری نتیجه‌سینده 91 نفر اؤلوب، 25 نفر ایتکین دوشوب.
1021983
یونانیستان-دا باش وئرن مئشه یانغین‌لاری نتیجه‌سینده 91 نفر اؤلوب، 25 نفر ایتکین دوشوب.
یانغین سؤندورمه تشکیلاتی‌نین سؤزچوسو استاورولا مالیری ایتکین دوشن 25 نفری آختاریش فعالیت‌لرینی داوام ائتدیردیک‌لرینی سؤیله‌ییب.
مالیری حیاتینی ایتیرن 91 نفردن 59-نون شخصیتی‌نین معین ائدیلدیگینی بیلدیریب.
فلاکتده حیاتینی ایتیرن‌لرین جنازه مراسیم‌لری ده داوام ائدیر.
فاجعه ایله علاقه‌دار اؤلکه‌ده 3 گونلوک ماتم اعلان ائدیلیب. پایتاخت آتن-ده داخیل اولدوغو آتیکا بؤلگه‌سینده فوق العاده وضعیت اعلان ائدیلیب.
یونانیستانین سیویل مودافعه ناظیری نیکوس توسکاس یانغی‌نین قصداً تؤردیلمه‌سینی استثنا ائتمه‌ییب.
یانغیندا اؤلوم حال لاریندان باشقا 180-دن آرتیق اینسان خسارت آلیب، مین‌دن آرتیق ائوه زیان دییب و یوزلرله ماشین یانا‌راق کوله دؤنوب.
