ایران‌دان آمریکایا قیزیل دنیز تهدیدی

ایران اینقیلاب قورویوچو‌لاری اوردوسو قوموتانلارین‌دان قاسم سلیمانی، قیزیل دنیزین آرتیق آمریکا‌لیلا اوچون امنیتلی اولمادیغینی بیلدیریب

1020065
ایران‌دان آمریکایا قیزیل دنیز تهدیدی

ایران اینقیلاب قورویوچو‌لاری اوردوسو قوموتانلارین‌دان قاسیم سولیمانی، قیزیل دنیزین آرتیق آمریکا‌لیلا اوچون امنیتلی اولمادیغینی بیلدیریب.

ایرانین همدان شهرین‌دکی بیر کونفرانسدا دانیشان اینقیلاب قورویوچو‌لاری قودس گوجو قوموتانی سولیمانی، آمریکا پرزیدنتی دونالد ترامپین اولکه سینی هدف آلان آچیقلاما‌لارینا جواب وئردی.

ایران پرزیدنتی حسن روحانی‌نین، ترامپین تهدیدلرینه قارشی دوروشونو تعریفله‌ین سولئیمانی،

قیزیل دنیز بون‌دان سونرا آمریکا‌لی‌لار اوچون امنیت اولمایا‌جاق. آمریکا عسگرلری‌نین رقیبی قودس گوجودور." دئدی.

سولئیمانی، ایرانین عربجه یایینلانان دولت تلویزیونو العام ده یایینلانان چیخیشیندا، "ترامپا سلف‌لری‌نین تجروبه‌سین‌دن عیبرت آلماسینی توصیه ائدیرم." ایفاده‌سینی ایستیفاده ائتدی.

سعودی عربیستانینا عایید ایکی نفت گمی‌سی دونن دنیز سولاریندا یمن‌دکی ایران دستک‌لی هوثیلرین سالدیریسینا معروض قالمیشدی.

سالدیریدا تانکرلردن بیری زده گؤررکن الریاض رهبرلیگی، باب المندب بوغازین‌دان ائدیلن خام نفت ترانسفری‌نین موقتی اولا‌راق دایاندیریلدیغینی بیلدیرمیشدی.

ایران پرزیدنتی روحانی، ژوئیه نین 22-سینده وئردیگی بیاناتدا، اؤلکه‌سینه قارشی تحریم سیاستی ایزله‌ین آمریکا رهبرلیگینی "آسلانین قویروغو ایله اویناماغین" دئیه‌رک خبردارلیق ائتمیشدی.

آمریکا پرزیدنتی ترامپ دا بونا قارشی‌لیق توئیتر حسابین‌دان پایلاشدیغی مساژیندا، روحانی یه خیطابن "بیر داها هئچ واخت آمریکانی تهدید ائتمه، یوخسا تاریخده چوخ آز آدامین گؤردوگو نتیجه‌لره دؤزرسن." ایفاده‌لرینی ایشلتمیشدی.

ایران ایله نوکلئر آنلاشما‌دان 8 می ده چکیلن ترامپ باشچی‌لیق واشینگتون رهبرلیگی، نوامبردان اعتباراً ایران نفتینه تحریم حیاتا کئچیرمه‌یه حاضیرلاشیر.

تهران رهبرلیگی داها اوّل آمریکانین نفت ساتیشینا مانع اولماسی وضعیتینده ایران ایله عمان کؤرفزلری آراسیندا یئر آلان و قلوبال نفت تیجارتی اوچون حل ائدیجی اهمیته مالیک هورموز بوغازینی باغلایاجاغینی بیلدیرمیشدی.



ایلگیلی‌لی خبرلر