علی لاریجانی، آوروپا اؤلکه‌لری‌نین وئردیگی تکلیف پاکتی‌نین "معقول" اولدوغونو بیلدیریب

لاریجانی، آمریکانین نوکلئر موقاویله‌دن بیرطرف‌لی چکیلمه‌سین‌دن سونرا آوروپا اؤلکه‌لری ایله ایران آراسیندا نوکلئر موقاویله‌نین قورونماسینا یؤنه‌لیک داوام ائدن موذاکیره‌لر باره‌ده مطبوعاتا آچیقلاما وئریب

1019993
علی لاریجانی، آوروپا اؤلکه‌لری‌نین وئردیگی تکلیف پاکتی‌نین  "معقول" اولدوغونو بیلدیریب

ایران مجلیس باشقانی علی لاریجانی، آوروپا اؤلکه‌لری‌نین، آمریکانین تحریم‌لرینه قارشی تهرانا وئردیگی تکلیف پاکتی‌نین عمومی اولا‌راق "مقبول" اولدوغونو بیلدیریب.

ایرانین قوم شهرینی زیارت ائدن مجلیس صدری لاریجانی، آمریکانین نوکلئر موقاویله‌دن بیرطرف‌لی چکیلمه‌سین‌دن سونرا آوروپا اؤلکه‌لری ایله ایران آراسیندا نوکلئر موقاویله‌نین قورونماسینا یؤنه‌لیک داوام ائدن موذاکیره‌لر باره‌ده مطبوعاتا آچیقلاما وئریب.

لاریجانی،

آوروپالیلارین نفت ساتیشی، پول ترانسفری و ایخراج مسئله‌لرینه دایر تکلیف‌لری عموماً عاقلاباتان گؤرونور و آیرینتیلاری عملی گؤستریش‌لره چئویرمک اوچون موذاکیره‌لر داوام ائدیر." دئدی.

ایران‌لی اؤیرنجی‌لر اینفورماسیون آژانسی ایسنایا گؤره، لاریجانی، تکلیف‌لری حیاتا کئچیرمک و قارشی‌لیق‌لی تیجارتی آسان‌لاش‌دیرماق اوچون آوروپا بیرلیگی‌نین اؤز ایچینده بیر سیرا تدبیرلر گؤرمه‌سی لازیم اولدوغونو سؤیله‌دی.

آوروپانین وئردیگی تکلیف پاکتی‌نین ماهیتی حاقیندا اطراف‌لی معلومات وئرمه‌ین لاریجانی، موذاکیره‌لرین ایران لیدری آیت الله علی خامنه ای‌نین گؤستریشی اساسیندا خاریجی ایشلر ناظیرلیگی یولو داوام ائتدیریلدیگینی بیلدیردی.

آوروپا اؤلکه‌لری‌نین تقدیم ائتدیگی تکلیف پاکتینه دایر لاریجانی‌نین آچیقلاما‌لاری ایله ایران پرزیدنتی حسن روحانی‌نین موناسیبتی آراسیندا فرق دقتی چکدی.

روحانی، ژوئن ین 5-ده آلمانیا باش ناظیری آنگلا مرکل ایله تلفون گؤروشمه سینده، آوروپا‌لی اؤلکه‌لرین موقاویله‌نین قورونماسی اوچون ایرانا تقدیم ائتدیگی تکلیف پاکتینی "اومیدسیزلیک وئریجی" کیمی قیمتلندیرمیشدی.

روحانی‌نین بو آچیقلاماسین‌دان سونرا تکلیف پاکتینده دییشیک‌لیک ائدیلیب ائدیلمه دیغی باره ده مطبوعاتا عکس اولونان معلومات یوخدور.

ایران ایله بیرلشمیش میللت‌لر امنیت شوراسی‌نین 5 دایمی عضوو (آمریکا، اینگیلتره، چین، فرانسا و روسیا) ایله آلمانیا آراسیندا گئنیش قارشی‌لیق‌لی فعالیت پلانی آدی وئریلن نوکلئر سازیش، 14 ژوئیه 2015ده اوتریشین پایتختی وین ده ایمضالانیب.

آمریکا پرزیدنتی دونالد ترامپ، 8 می ده اؤلکه‌سی‌نین ایرانلا آپاریلان نوکلئر موقاویله‌دن چکیلدیگینی و تهرانا قارشی تحریم‌لری یئنی‌دن حیاتا کئچیرمه‌یه باشلایاجاغینی آچیقلامیشدی.

نوکلئر موقاویله‌نین دیگر طرف‌لری و ایران، موقاویله‌نین داوام ائتمه‌سی یؤنونده فیکیر بیلدیرمیشدی.



ایلگیلی‌لی خبرلر