آتیشکس ساغلاندی
"مصر و اولوسلارآراسی طرفلرین آراچیلیغیندا فیلیسطینلی مقاومت حرکتلری ایله ایشغال آراسیندا آتیشکس الده اولوندو"
دیرنیش حرکتی حماس، مصر و اولوسلارآراسی طرفلرین آراچیلیغیندا فیلیسطینلی دیرنیش حرکتلری ایله ایسراییل آراسیندا آتیشکسه واریلدیغینی بیلدیردی.
حماس سؤزچوسو فوزی برهوم، یاییملادیغی یازیلی آچیقلامادا، "مصر و اولوسلارآراسی طرفلرین آراچیلیغیندا فیلیسطینلی مقاومت حرکتلری ایله ایشغال آراسیندا آتیشکس الده اولوندو" ایفادهسینی ایشلتدی.
آچیقلامادا، داها چوخ آیرینتییا یئر وئریلمهدی.
ایسراییل، سرحددهکی عسگرلرینه آتیش ائدیلدیگینی ایرلی سورهرک دونن گوناورتادان سونرا غزهنی ساواش اوچاقلاری و تانکلارلا وورموش، سالدیریلاردا ۴ فیلیسطینلی شهید اولموشدو.
ایسراییل اوردوسو دا بیر ایسراییل عسگرینین، سرحدین غزه طرفیندن ائدیلن آتیش نتیجهسینده اؤلدویو معلوماتینی پایلاشمیشدی.
اوردودان وئریلن آچیقلامادا آیریجا دونن گون بویو غزهیه تشکیل اولونان سالدیریلاردا حماسین سلاحلی قانادی عزالدین القسام توغایلارینا عاید ۱۵ هدفین وورولدوغو قید ائدیلمیشدی.
اوردونون آچیقلاماسیندا، "حماس، گرگینلیگی آرتیرماغی سئچدی و بو حرکتلرین نتیجهلرینه قاتلاناجاق. ایسراییل اوردوسو حاضردا (غزهده) مختلیف یئرلره هوجوم ائدیر" ایفادهلرینه یئر وئریلمیشدی.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب