حسن روحانی خبردارلیق ائتدی
ایران پرزیدنتی حسن روحانی نوکلئر پروقرامی موقاویله‌سی داوام ائتدیریلمه‌یه‌جگی تقدیرده تهرانین بونونلا باغلی فرق‌لی قرارلار قبول ائده بیله‌جگی باره‌ده خبردارلیق ائدیب.
ایران پرزیدنتی حسن روحانی نوکلئر پروقرامی موقاویله‌سی داوام ائتدیریلمه‌یه‌جگی تقدیرده تهرانین بونونلا باغلی فرق‌لی قرارلار قبول ائده بیله‌جگی باره‌ده خبردارلیق ائدیب.
ایرانین بونونلا باغلی وئردیگی آچیقلامایا گؤره، روحانی وین رسمی سفری چرچیوه‌سینده اؤتن گون اولوسلار آراسی آتوم انرژی آژانسینین صدری یوکیا آمانو ایله گؤروشوب.
گؤروشده امریکانین نوکلئر پروقرامی ایله علاقه‌لی موقاویله‌نی ترک ائتمه‌سینی تنقید ائدن روحانی اؤلکه‌سی‌نین موقاویله‌دکی منفعت‌لری‌نین قورونماسی‌نین واجیب‌لیگینی دیله گتیریب.
روحانی نوکلئر پروقرامی ایله علاقه‌لی موقاویله‌نین داوام ائتدیریله بیلمه‌مه‌‌سی حالینده تهرانین نوکلئر پروقرام مسئله سینده فرق‌لی قرارلار آلا بیله‌جگینه دایر خبردارلیق ائدیب.
امریکانین چیخماسی ایله موقاویله‌دکی تارازلیغین پوزولدوغونو دیله گتیرن روحانی "موقاویله‌یه طرف اولان اؤلکه‌لر بونونلا باغلی بالانسی قوروما‌لی‌دیر" دئییب.
ایرانین نوکلئر فعالیت‌لری‌نین باریش مقصدلی اولدوغونو ایفاده ائدن روحانی نوکلئر موقاویله‌نین هم دیپلوماتیک هم ده اولوسلار آراسی آتوم انرژی آژانسینین بؤیوک ظفری اولدوغونو وورغولاییب.
اولوسلار آراسی آتوم انرژی آژانسینین صدری آمانو ایسه، ایرانلا ایمضا‌لانان موقاویله‌نین دیپلوماتیک قازانج اولدوغونو قئید ائده‌رک، بونون قورونماسی‌نین واجیب‌لیگینی دیله گتیریب.
ایرانین نوکلئر پروقرامی موقاویله‌سی چرچیوه‌سینده عهده لیکلرینی یئرینه یئتیردیگی‌نین آژانسین متخصص لری طرفیندن آپاریلان آراشدیرمالار نتیجه‌سینده دفعه‌لرله تصدیقلندیگینی قئید ائدن آمانو "حساس بیر دؤوردییک و ایران‌لی رسمی‌لرله یاخین علاقه ساخلاماقدا داوام ائدیریک" دئیه بیلدیریب.
