پ.کا.کا قندیل-ده نفس آلا بیلمز وضعیتدهدیر
عراق-ین قندیل بؤلگهسینده تورکیه سلاحلی قوهلری طرفیندن تشکیل اولونان هاوا عملیاتیندا باشچیلاریندان بعضیلرینی ایتیرن و بؤیوک مغلوبیته دوچار اولان ترور تشکیلاتی پ.کا.کا یئنه ده جانلی قالخان مئتودوندان ایستیفاده ائتمهیه حاضیرلاشیر.
عراق-ین قندیل بؤلگهسینده تورکیه سلاحلی قوهلری طرفیندن تشکیل اولونان هاوا عملیاتیندا باشچیلاریندان بعضیلرینی ایتیرن و بؤیوک مغلوبیته دوچار اولان ترور تشکیلاتی پ.کا.کا یئنه ده جانلی قالخان مئتودوندان ایستیفاده ائتمهیه حاضیرلاشیر.
اوغورلو عملیاتلار نتیجهسینده اؤلکه داخیلینده نفس آلا بیلمز بیر وضعیته گلن، سوریه-نین عفرین بؤلگهسینده "زیتون دالی" عملیاتیندا تهلوکهسیزلیک قوهلرینین گوجونو گؤرن ترور تشکیلاتی بو گونه قدر یوکسک سویهلی ایجلاسلارینین کئچیریلدیگی، سالدیری قرارلارینین قبول ائدیلدیگی، ژورنالیستلره موصاحیبهلر وئردیگی، خاریجی کشفیات امکداشلارینی قوناق ائتدیگی، آوروپا فعالیتلرینین کووردیناسیون ائدیلدیگی، قوندارما محکمهلرینین کئچیریلدیگی عراق-ین قندیل بؤلگهسینین اونلار اوچون آرتیق اعتبارلی اولمادیغینی باشا دوشدو.
جوغرافی شرطلر سببیندن "ال چاتماز" گؤرونن، تروریست لرین احوال و موتیواسیون منبعی اولان قندیله قارشی ایلک دفعه 14 ژوئن ده باشلایان هاوا عملیاتلاریندا ترور تشکیلاتینین بعضی لیدرلرینین و چوخ سایدا تروریستین ضررسیزلشدیریلمهسی ایله "تورک اوردوسو گلیر" قورخوسو تشکیلاتین پیسکولوژی تارازلیغینی آلت-اوست ائتدی.
بؤلگهدن گلن کشفیات معلوماتلارینا گؤره، هاوا عملیات لاریندان سونرا سویوق قانلیلیق نوماییش ائتدیرمهیه چالیشان ترور تشکیلاتی تشویشه دوشهرک، بیر طرفدن بؤلگهدکی بازا ایستانسیونلارینی تخریب ائدیر، دیگر طرفدن اطراف کندلرده یاشایان طرفداشلارینین موبایل تلفونلارینی توپلاییر.
بؤلگهنین ساواش اوچاقلاری طرفیندن داواملی بومبالانماسی و دوشرگهلردکی هدفلرین اکثریتینین محو ائدیلمهسیندن سونرا تهلوکهسیز بؤلگه آختاران تروریستلر کیچیک قروپلارا بؤلوندولر.
تروریست قروپلار توققوشمالاردا، و یا هاوا عملیاتلاریندا اؤلدوکلرینده "سیویل لر اؤلور" یالانینی دستکلمک مقصدیله هر زامان گئیدیکلری لباس لاری چیخاراراق یئرلی خالق کیمی گئیینیرلر.
دیگر طرفدن، اوولکی عملیاتلاردا ایستیفاده ائتدیگی جانلی قالخان مئتودونو یئنیدن تطبیق ائتمهیه حاضرلاشان ترور تشکیلاتی عراق-ین شیمالینداکی شهرلرده یاشایان طرفدارلارینی قندیله ایستیقامتلندیریر.
تشکیلاتین عملیاتلاردا اؤلن تروریست لره دایر معلوماتلاری دا اؤز ایجتیمایتیندن گیزلتدیگی، تروریستلری هاردا گلدی دفن ائتدیگی، عائلهلرینین آلدادیلاراق اولادلارینین یاشادیقلارینین، و یا اراضیده اولدوقلارینین بیلدیریلدیگی معین اولوندو.