صدر، ایران و آمریکانی اویاردی

صدر، وئردیگی یازی‌لی آچیقلامادا، آمریکا و ایرانی، عراقا مداخیله ائتمه‌مه‌لری باره‌ده اویاردی

981381
صدر، ایران و آمریکانی اویاردی

عراقداکی سئچیملرده ان چوخ سسی آلان صدر حرکتینین لیدئری مقتدا الصدر، آمریکا و ایرانین اؤلکه‌سینه هر هانسی بیر مداخیله ائتمه‌سینی قبول ائتمه‌یه‌جکلرینی تکرارلادی.

صدر، وئردیگی یازی‌لی آچیقلامادا، آمریکا و ایرانی، عراقا مداخیله ائتمه‌مه‌لری باره‌ده اویاراراق، بونا یول وئرمه‌یه‌جکلرینی وورغولادی.

صدر،

"ایرانین هر هانسی بیر ایشینه قاریشیلماسینی قبول ائتمدییمیز کیمی عراقین ایچ ایشلرینه قاریشیلماسینی آرزو ائتمیریک" ایفاده‌لرینی ایشلتدی.

عراق‌دا ۲۰۰۷ ایلده اؤلکه‌ده‌کی آمریکا عسگرلرینه ساواش اعلان ائدیب هر دفعه سرت آچیقلامالار وئر‌ن صدر، آمریکانی‌دا دا یئنه ایشغال‌چی دؤولت کیمی تانیدی و واشینگتون رهبرلیگینین مداخیله‌لرینه ایجازه وئرمه‌یه‌جکلرینی بیلدیردی.

صدرین آچیقلاماسینین، بعضی سیاسی پارتیلر و طرفلرین آمریکا و ایران دستگی اولمادان اؤلکه‌ده حکومت قورولماسینین ممکن اولمادیغی یولون‌دا‌کی ادعالارین‌دان سونرا گلمه‌سی دقت چکدی.

باشقان دونالد ترامپین ترور هؤرگوتو داعشله مباریزه اؤزل نماینده‌سی بریت مک‌گورک، ۱۲ می‌ده‌کی سئچیملردن بیر گون سونرا باشکند باغدادا گئده‌رک اؤنجه عراق مجلس باشقانی سلیم الجبوری ایله، سونرا دا عراق بؤلگه‌سل یؤنتیم باشباخانی نچیروان بارزانی و دیگر سیاسی پارتی مقاملاری ایله بیر آرایا گلمیشدی.

مک‌گورکون سفریله ائش زامان‌لی اولاراق، ایران انقیلاب کئشیک‌چیلری اوردوسونا باغلی قدس گوجو قوموتانی قاسم سلیمانی‌نین ده سئچیملردن سونرا بغداددا گئده‌رک اؤلکه‌سینه یاخین سیاسی پارتیلرله یئنی حکومت اوچون دانیشیقلار آپاردیغی ادعا ائدیلمیشدی.



ایلگیلی‌لی خبرلر