عربستاندا بیر ایلک داها

قادینلارین گله‌جک آیدان اعتباراً ماشین سورمه‌یه باشلایاجاغی عربیستان‌دا، شورا مجلسی، "ساتاشما سوچو ایله مباریزه قانون تاساری‌سینی" اونایلادی.

عربیستان رسمی آژانسی سپادا یئر آلان خبره گؤره، شورا مجلسینین باشقان یاردیمچیسی یحیی بن عبدالله سامان، مجلسین کرال سالمان بن عبدالعزیز تعلیماتییلا ایچ ایشلری باخانلیغی طرفین‌دن حاضرلانان ساتاشما سوچو ایله مباریزه قانون لایحه‌سینی اونایلادیغینی بیلدیردی.

سامان، باخانلیغین لایحه‌نی اونایلاما‌سی اوچون کرالا سوندوغونو ایفاده ائتدی.

سؤزوگئدن لایحه، "ساتاشما ایله مباریزه، ساتاشمانین قارشی‌سینین آلینماسی، بو سوچو تؤره‌دنلرین جزالاندیریلماسی، ضرر چکنین قورونماسی، شخصین شرفینین و اؤزگورلویونون قورونماسینی" احتیوا ائدیر.

لایحه‌نین یاسالاشماسی اوچون ایسه کرال طرفین‌دن تصدیق اولونماسی لازیم‌دیر.

کرال سلمان، ۲۶ سپتامبر ۲۰۱۷ده قادینلارین ژوئن ۲۰۱۸دن اعتباراً سوروجو تصدیقی آلاراق ماشین سورمه‌سینی اؤن گؤرن قراری اونیلاییب، ایکی گون سونرا دا ایچ ایشلری باخانلیغینا ساتاشما ایله مباریزه اوچون قانون لایحه‌سی حاضرلاماق گؤستریشی وئرمیشدی.