9-جی آستانا توپلانتیسیندا طرفلر، آتشکس‌ین قورونماسیندا راضی قالدی
ارژان آشیکبائو، تورکیه، روسیا، ایران، رژیم، موخالیفت، اوردون و بیرلشمیش میللت‌لر (بمت) نماینده هیات‌لری‌نین قاتیلدیغی توپلانتی‌نین یئکون بیاننامه‌سینی اوخودو
قازاخیستاندا کئچیریلن سوریه موضوعسوندا 9-جی آستانا توپلانتیسیندا طرفلر، گرگین‌لیگی آزالتما بؤلگه‌لری و آتشکس رژیمی‌نین قورونماسیندا راضی قالدی.
قازاخیستان خاریجی ایشلر ناظیری معاوینی ارژان آشیکبائو، تورکیه، روسیا، ایران، رژیم، موخالیفت، اوردون و بیرلشمیش میللت‌لر (بمت) نماینده هیات‌لری‌نین قاتیلدیغی توپلانتی‌نین یئکون بیاننامه‌سینی اوخودو.
سون بیاننامه‌سینده، طرفلر گرگین‌لیگی آزالتما بؤلگه‌‌لری‌نین، آتشکس رژیمی‌نین قورونماسی، زوراکیلیغین آزالدیلماسی و سوریه‌ده عمومی وضعیتین ثابیتلشدیریلمه‌سینده اهمیتینی وورغولاییب.
اینسانی یاردیم‌لارین چاتدیریلماسی، قاچقین‌لارین و اؤلکه ایچینده کؤچورولموش شخص‌لرین گئری قاییتماسی اوچون لازیمی شرایط‌لرین تامین ائدیلمه‌سی مسئله‌لری‌نین اهمیتینه ده ایستیناد ائدیلن بیاناتدا، داعش، النصره جبهه‌سی و بمت امنیت شوراسی‌نین ترور سیاهی‌سین‌دکی علاقه‌لی آدام و قروپ‌لارلا موباریزه‌یه داوام ائدجگی وورغولاندی.
سون بیاننامه‌سینده طرفلر، ساخلانیلان‌لارین سربست بوراخیلماسی، جنازه‌لرین تسلیمی و ایتکی شخص‌لرین آختاریشی اوچون یارادیلان ایشچی قروپونون 2-جی ایجلاسی‌نین کئچیریلمه‌سی و ایره‌لیلمه قید ائدیلمه‌سین‌دن دویدوق‌لاری ممنونیته ایشاره ائتدی.
تمیناتچی اؤلکه‌لر، بیاناتدا بو مسئله‌ده توققوشان طرفلر آراسیندا اعتیماد چوخالدیجی بیرگه آددیم‌لارین آتیلماسی لازیم اولدوغونو وورغولاییب.
آشیکبائو، ساخلانیلان‌لار ایشچی قروپونون، گله‌جک آی باشکند آنکارادا توپلاناجاغینی بیلدیریب.
بیاناتدا، بیرلشمیش میللت‌لر عمومی قورولونئن 2254 سای‌لی قراری چرچیوه‌سینده سیاسی حلّ پروسه‌نین، سوچیده ژانویه آییندا تشکیل اولونان میلی دیالوق کونگره‌سینده آلینان قرارلارین دا کمکی داوام ائتمه‌سی لازیم اولدوغو قید ائدیلیب.
بیاناتدا بو مقصدله بمت-نین سوریه اؤزل نماینده‌سی استفان دی میستورا و سوریه‌لی طرف‌لرله سوئیس‌ین ژنو شهرینده ان قیسا مدتده دانیشیق‌لار آپاریلماسی و آنایاسا کومیته‌سی‌نین یارادیلماسی پروسه‌نین باشلانیلماسی توصیه ائدیلیب.
آشیکبائو، بیر سونراکی تمیناتچی‌لار گؤروشونون یول آییندا روسیانین سوچی کنتینده ائدیلمه‌سینه قرار وئریلدیگینی سؤزلرینه علاوه ائدیب.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
