ایرانین اهواز شهریندکی بیر قهوهخانادا چیخان یانقیندا 11 نفر اؤلدو
یئرلی مئدیادا یئر آلان معلوماتلارا گؤره، یانقیندا یارالانان 13 نفر ده خستهخانالاردا معالیجه آلتینا آلیندی
943321
ایرانین خوزستان ایالتینه باغلی اهواز شهریندکی بیر قهوهخانادا چیخان یانقیندا 11 نفر اؤلدو.
یئرلی مئدیادا یئر آلان معلوماتلارا گؤره، یانقیندا یارالانان 13 نفر ده خستهخانالاردا معالیجه آلتینا آلیندی.
سحره قارشی چیخان یانقینا مداخیله ائدن قورتارما قروپلارینین تلاشی نتیجهسینده 6 نفر ده یانقیندان قورتاریلدی.
خوزستان امنیت مودیری کؤمکچیسی علی قاسمپور، حادثهده شوبههلی اولاراق قیمتلندیریلن بیر نفرین نظارتده اولدوغونو ائشیتدیردی.
قاسیمپور، اود وروما احتیمالینین آراشدیریلدیغینی ایفاده ائتدی.
ایرانین جنوب-غربینده عرب اهالینین چوخ اولدوغو خوزستان ایالتی، کئچن هفته دولت تلویزیوندا اؤلکهدکی عربلره ایستیقامتلی "آیری-سئچکیلیک و عیرقچی" ایچهریکلی بیر پروقرام یایینلادیغی سببیله تشکیل ائدیلن اعتراضلارا صحنه اولموشدو.