"1. بیرگه کؤرفز قالخانی" مانوری فعلی اولا‌راق باشلادی

ایسپا-نین خبرینه گؤره، مدافعه ناظیرلیگی طرفین‌دن اؤلکه‌نین شرقین‌دکی الشرقیه بؤلگه‌سینده داوام ائدن مانورین تحصیل مرحله‌سی‌نین جمعه گونو باشا چاتدیق‌دان سونرا بو گون پراکتیکی مانور مرحله‌سینه کئچیلیب

942115
"1. بیرگه کؤرفز قالخانی" مانوری فعلی اولا‌راق باشلادی

سعودی عربیستاندا، تورکیه‌نین ده آرا‌لاریندا اولدوغو 23 اؤلکه‌نین ایشتیراکی ایله تشکیل ائدیلن "1. بیرگه کؤرفز قالخانی" مانوری فعلی اولا‌راق باشلادی.

سعودی عربیستانی رسمی خبر آژنسی ایسپا-نین خبرینه گؤره، مدافعه ناظیرلیگی طرفین‌دن اؤلکه‌نین شرقین‌دکی الشرقیه بؤلگه‌سینده داوام ائدن مانورین تحصیل مرحله‌سی‌نین جمعه گونو باشا چاتدیق‌دان سونرا بو گون پراکتیکی مانور مرحله‌سینه کئچیلیب.

بیرگه کؤرفز قالخانی سؤزچوسو ژنرال عبدالله حسین، بو گون باشلایان مانورین ایکینجی مرحله‌سی‌نین 5 گون فاصیله‌سیز اولا‌راق داوام ائدجگینی بیل‌دیره‌رک، ایشتیراکچی اؤلکه‌لرین قورو، دنیز، هاوا مدافعه و خصوصی گوجلره باغلی حیسه‌لری‌نین ایشتیراک ائتدیگی مانوردا حقیقت مهماتین ایستیفاده ائدیلدیگینی ایفاده ائدیب.

یوکسک سویه‌ده تحصیل‌لی و پئشکار نیظامی گوجلرین اینکیشاف ائتمیش معاصر سیلاح‌لارلا مانور ائتدیگینی بیل‌دیرن سابی، 1-جی بیرگه کؤرفز قالخانی مانورینده بیرگه عملیات‌لار موحیطی چرچیوه‌سینده قارشی‌لاشیلان چتین‌لیک‌لری آشماغا قارشی بیرگه گوجلرین قابیلیتی‌نین آرتیریلماسی‌نین مقصدی گوددوگونو قید ائدیب.

سعودی عربیستانی‌نین الشرقیه بؤلگه‌سینده تشکیل ائدیلن و تحصیل مرحله‌سی‌نین 21 مارتدا باشلادیغی مانوردا دوست اؤلکه‌لرین هاوا، قورو و دنیز گوجلری‌نین یاناشی ایستراتژی سیلاح‌لاری ایشتیراک ائتدیگی بیلدیریلمیشدی.

1-جی بیرگه کؤرفز مدافعه سیستمینده ایستیفاده ائدیلن اصول‌لارین دونیانین ان معاصر سیستم‌لری آراسیندا یئر آلدیغی و بونا گؤره ده، بحث ائدیلن مانورین بو باخیم‌دان بیر "دؤنوش نقطه‌سی" اولدوغو ایفاده ائدیلمیشدی.



ایلگیلی‌لی خبرلر