دوغو غوطه اینسانسیز هاوا آراجی ایله گورونتولندی
گؤرونتولرده دوغو غوطه بؤلگهسینین خارابایا چئوریلدیگی دقت چکیر.
گؤرونتولرده بشار اسد رژیمینین محاصره آلتیندا ساخلادیغی و آتشکس قرارینی سایمایاراق هوجوملارینی داوام ائتدیردیگی سوریه-نین پایتاختی دمشق-ین دوغو غوطه بؤلگهسینین خارابایا چئوریلدیگی دقت چکیر.
موختلیف محلهلرین چکیلدیگی گؤرونتولرده سیویل یاشاییش منطقهلرینده گئنیش بیر ساحهده یان-یانا آغیر ضربهلر ائندیریلمیش چوخ مرتبهلی بینالاری، داغیلمیش یوللاری و تخریب اولموش ماشینلاری گؤرمک مومکوندور.
تخریباتین داها آز اولدوغو محلهلرده ایسه دیوارلارینین ییخیلدیغی ایسه چوخ مرتبهلی بینالاردا ایچریدن اوتاقلار گؤرونور.
دیوارلاری ییخیلان اوتاقلاردا ساواشدان اوولکی گوندهلیک حیاتا دایر اشیالاری گؤرمک مومکوندور.
اینسانسیز هاوا آراجلاریندان چکیلن گؤرونتولرده آیاقدا دایانمیش محلهدکی داغینتییا باخان اوشاق دقت چکیر.
یئرله-یکسان اولان یوللاردا چوخ آز سایدا اینسانین بومباردمانلارا فاصیله وئریلدیگی آنلاردا موتورسیکلتلرله حرکت ائتمهیه جهد ائتدیگی معلوم اولور. باشقا محلهده ایسه مینارهلرین بئله ییخیلدیغی ایزلنیر. اینسانسیز هاوا آراجلاری تامامیله ییخیلمیش، بیر آدامین بئله گؤرونمدیگی محلهده بیر مزارلیغی چکیب. گؤرونتوده بو محلهنین ده بیر مزارلیغا چئوریلدیگی عکس ائدیر.
ایلگیلیلی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب