سوریه‌ده اعزاز شهریندکی قاچقین دوشرگه‌لرینه موشک سالدیریسی ائدیلیب
کیلیس ویلایتی‌نین قارشی‌سین‌داکی، فیرات علیهینه عملیاتی ایله آزاد ائدیلن اعزاز بؤلگه‌سینده یئرلشن مولتئجی کامپ‌لارینی هدف آلان موشکلر بوش اراضییه دوشوب
سوریه‌ده حلب ویلایتی‌نین شمالین‌داکی اعزاز شهریندکی قاچقین دوشرگه‌لرینه، عفرین بؤلوچو ترور تشکیلاتی پ.ی.د/پ.ک.ک طرفین‌دن موشک سالدیریسی ائدیلیب.
کیلیس ویلایتی‌نین قارشی‌سین‌داکی، فیرات علیهینه عملیاتی ایله آزاد ائدیلن اعزاز بؤلگه‌سینده یئرلشن مولتئجی کامپ‌لارینی هدف آلان موشکلر بوش اراضییه دوشوب.
سالدیری‌نین آردین‌دان 200 مین قاچقی‌نین یاشادیغی دوشرگه‌لرده جیدی بیر پانیک یاشاندی.
2011 ایلدن بو یانا داوام ائدن ساواش‌دان تأثیرلنه‌رک ائولرینی ترک ائتمک مجبوریتینده قالان وطنداش‌لارین قوناق ائدیلدیگی دوشرگه‌لرده، رقه، خمص، حلب، دمشق، ایدلیب، دیرالزور و هاسئکه بؤلگه‌سیندن اولان قاچقین‌لار وار.
پ.ی.د/پ.ک.ک نماینده‌لری شنبه گونو عفرینین شرقینده موخالیف‌لرین نظارتین‌دکی اعزاز منطقه‌سین‌دکی بازارا 7 موشک بوراخمیش و 4 سیویل شخص یارالانمیشدی.
زیتون دالی عملیاتی‌نین اوّلین‌دن بو یانا ترور تشکیلاتی پ.ی.د/پ.ک.ک طرفین‌دن کیلیس و ختایا باغلی ریحان‌لی ایله بیرلیکده سوریه‌نین شمالیندا یئرلشن اعزاز و ماره منطقه‌‌لرینه تئز-تئز موشکله سالدیری‌لار تشکیل اولونور.
