ایران تهدید ائتدی

"ایران ایسلام جمهوریتی البته کی، لازیم تدبیرلری گؤره‌جک‌دیر"

886137
ایران تهدید ائتدی

ایران، آمریکانین نفت تحریمینی آسقییا الماماسی وضعیتین‌ده اورانیم رزرولرینی آرتیراجاق ظرفیته صاحب اولدوقلارینی آچیقلادی.

ایران اتم انرژی‌سی قورومو، آمریکانین تحریملری یئنی‌دن دوزنلمه‌مه‌سینین تهرانین دونیا گوجلری ایله اولان نوکلئر آنلاشما‌سینین پوزمو اولاجاغینی و ایران اسلام جمهوریتینین اورانیم رزرولرینی بؤیوک اؤلچوده آرتیرما گوجونه صاحب اولدوغونو بیلدیردی.

قوروم‌دان وئریلن آچیقلامادا، آمریکا باشقانی دونالد ترامپین، ژانویه آیینین اورتاسینا قدر نوکلئر پروگراملار باغلی محدودیتلر قارشیلیغین‌دا، ایرانین نفت صادراتینا دایر تحریملرین آسقییا آلینماسی باره‌ده قرار وئرمه‌سی لازیم اولدوغو وورغولادی.

قوروم سؤزچوسو بهروز کمالوندی دؤولت تلویزیونونا وئردیگی آچیقلامادا،

"آسقییا آلما داوام ائتدیریلمزسه، بو نوکلئر آنلاشمانی پوزماقدیر و ایران ایسلام جمهوریتی البته کی، لازیم تدبیرلر گؤره‌جک‌دیر" دئدی.

ایران‌لی سؤزچو بو تدبیرلرین نه اولاجاغیندان بحث ائتمه‌دی، آچیقلامانین داوامین‌دا ایسه بونلاری قید ائتدی:

"اتم انرژی‌سی قورومو مختلیف ساحه‌لرده نوکلئر ایشلری سرعتلندیره‌جک بیر توتوما صاحب اولماقلا نوکلئر آنلاشما‌نین ائدیلدیگی دؤوره نیسبتا بو حجم بیر نئچه دفعه آرتیرلابیلر".

کمالوندی،

"آمریکان حکومتی عاغیللیجا دوشونمه‌لی. ایندییه قدر نه یازیق، بونو ائتمیش اولمالارینا باخمایاراق، بو آن بئله دوشونمور یا دا عاغیل‌لی داورانمیرلار" دئدی.

سلاح درجه‌سینده اورانیم اوره‌ته‌بیلن زنگینلش‌دیرمه پروسه‌سی، آنلاشمانین شرطلری چرچیوه‌سینده محدودلاشدیرمیشدی.

گوجلو بیر اولوسلارآراسی ایزله‌مه ایله بو آنلاشما‌نین دستک‌چی‌سی اولان اؤلکه‌لر ایرانین بئله‌لیکله گوج‌لو نوکلئر سلاح گلیشدیرمه‌سینین قارشی‌سینین آلیناجاغی مؤوضوعوندا همفیکیر.

ایران ایسه بو چالیشمالاردا نوکلئر سلاحی اوره‌تدیگی ادعالارینی سرت بیر دیلله رد ائدیر.



ایلگیلی‌لی خبرلر