ایران شکایت ائتدی

"واختی گلن‌ده آمریکادان بؤیوک دستک گؤرجکسینیز"

881321
ایران شکایت ائتدی

ایران، اؤلکه‌ده داوام ائد‌ن اعتراضلارلا ایلگیلی اولاراق، ایچ ایشلرینه قاریشماقلا سوچلادیغی آمریکا حاقین‌دا بیرلشمیش میلتلر تشکیلاتینا شیکایت ائتدی.

ایرانین بیرلشمیش میلتلر دایمی نماینده‌سی غلامعلی خوشرو، باش کاتیب آنتونیو گورش و گوونلیک شوراسینا گؤندردیگی مکتوب‌دا،

"آمریکا حکومتی گؤستریلره دستک وئرمک بهانه‌سی ایله معناسیز بیر شکیل‌ده ایرانین ایچ ایشلرینه مداخیله‌سینی آرتیردی. آمریکا پرزیدنتی و یاردیمچیسی (مایک پنس)، چوخ ساییدا تویت ایله ایران‌لیلاری تحریک ائدیجی حرکتلره تشویق ائتدی" ایفاده‌لرینه یئر وئردی.

آمریکانی اولوسلارآراسی حقوقو و بیرلشمیش ملتلر سؤزلشمه‌سینین پرینسیپلرینی پوزماق‌لا سوچلایان خوشرو، تروامپ رهبرلیگینین ایران ایله باغلی آچیقلامالارینی قینانمایا چاغیردی.

ترامپ، "پوزولموش اولان حکومتلرینی گئری قایتارماق اوچون چالیشان ایران خالقینا حؤرمتله یاناشیرام. واختی گلن‌ده آمریکادان بؤیوک دستک گؤرجکسینیز" آچیقلاماسینی وئرمیشدی.

اؤلکه‌ده‌کی حادثه‌لرده بو آنا قدر ان آز ۲۴ نفرین حیاتینی ایتیردیگی، مین‌دن چوخ گؤستریچینین گؤزآلتینا آلیندیغی بیلدیریلمیشدی.

ایران انقیلاب محافظه‌چیلری باشچیسی محمد علی جعفری، دونن ایران دؤولت تلویزیونون‌دا چیخیشین‌دا اؤلکه‌سین‌ده سون گونلر باش وئره‌ن "رژیم علیه‌ینه" گؤستریلرین سونا چاتدیریلدیغینی ادعا ائتمیشدی.

بیر هفته اول اقتصادی سببلرله باشلایان گؤستریلرین، جمعه گونو و سونراسیندا رژیم قارشیدلیغینا چئوریلدیگینی وورغولایان جعفری، حادثه‌لردن آمریکا، ایسراییل و عربیستانی مسئول توتدو.



ایلگیلی‌لی خبرلر