"سند امپرتورلوق اؤزللیکلرینه صاحب"
پئسکوو، اولکه‌سینین آمریکا اوچون تهلوکه تؤرتدیگی ادعالارینی قبول ائتمه‌یه‌جکلرینی بیلدیردی
روسیادا کرملین سؤزچوسو دمیتری پئسکوو، اولکه‌سینین آمریکا اوچون تهلوکه تؤرتدیگی ادعالارینی قبول ائتمه‌یه‌جکلرینی بیلدیردی.
آمریکا پرزیدنتی دونالد ترامپین آچیقلادیغی میلی گوونلیک استراتژی سندینده روسیا و چینین آمریکا دگرلرینه میدان اوخویان رقیبلر کیمی گؤستریلمه‌سینه جاواب وئر‌ن پئسکوو،
"استراتژی بلگه‌سینده اؤلکه‌میزین آدینین گئچدیگی بؤلوم‌لر، بو سندین امپرتورلوق اؤزللیکلرینه صاحب اولدوغونو، تک قطب‌لو دونیا سیستمین‌دن واز گئچمه قونوسون‌داکی ایستکسیزلیگی و چوخ قطب‌لو دونیانین قبول ائدیلمه‌دیگینی گؤستریر" دئدی.
بونونلا یاناشی استراتژی سندینده مثبت نقطه‌لر اولدوغونو دا قید ائدن پئسکوو، خصوصاً واشینگتون رهبرلیگینین، آمریکا خالقینین چیخارلاری ایله اوست اوسته دوشن ساحه‌لرده روسیا ایله امکداشلیغا حاضر اولماسینین بونلاردان بیری اولدوغونو سؤیله‌دی.
"بو، روسیا پرزیدنتی ولادیمیر پوتینین توتومو ایله تاماما اوست اوسته دوشور. چونکو موسکوا دا، بیزیم چیخاریمیزا اولان ساحه‌لرده واشینگتون ایله امکداش‌لیق آختاریشی ایچین‌ده" دئیه داوام ائدن پئسکوو، آمریکا مرکزی استخبارات تشکیلاتینین سن پترزبورگ‌دا حیاتا گئچیریلمه‌سی پلانلاشدیریلان ترور ائیلمینین قارشیسینی آلان استخبارات پایلاشیمینی بو جور امکداشلیغین ایده‌آل اؤرنگی اولاراق گؤستردی.
