ساکاشویلی، سربست بوراخیلدی

ساکاشویلی، سربست قالدیق‌دان سونرا محکمه بیناسی قارشی‌سین‌دا طرفدارلاری ایله بیر آرایا گلدی

866544
ساکاشویلی، سربست بوراخیلدی

گورجوستانین اسکی پرزیدنتی میخائیل ساکاشویلی، اوکراینانین باشکندی کیئوده محکمه جلسه‌سینین آردین‌دان سربست بوراخیلدی.

جمعه گونو گؤزآلتینا آلینان ساکاشویلی، کیئوده حاکم اؤنونه چیخدی و اوچ وکیلی ایله اؤزونو مدافعه ائتدی.

ساوجیلیغین، ساکاشویلی خاقیندا ائو حبسی جزاسی وئریلمه‌سی طلبینی قبول ائتمه‌ین محکمه، اسکی لیدئرین سربست بوراخیلماسینا قرار وئردی.

قرار ۱۴ دسامبردا آچیقلاناجاق.

ساکاشویلی، سربست قالدیق‌دان سونرا محکمه بیناسی قارشی‌سین‌دا طرفدارلاری ایله بیر آرایا گلدی.

گورجیستانین اسکی پرزیدنتی، اوکراینا دؤولت باشقانی پوروشنکونو دئویرمک اوچون روسیا طرفداری اولان اوکراینالی ایش آداملاری ایله امکداش‌لیق ائتمک و سوچ هؤرگوتلرینه دستک وئرمکله سوچلانمیشدی.

۱۰ گون اؤنجه اوتوردوغو بینانین دامین‌دا گؤزآلتینا آلینان آنجاق طرفدارلارینین مداخیله‌سی ایله گوونلیک گوجلرینین الین‌دن قورتولان ساکاشویلی، بیر نئچه گون سونرا یئنی‌دن گؤزآلتنیا آلینمیشدی.



ایلگیلی‌لی خبرلر