عرب بیرلیگی باش کاتیبی: آمریکانین، تل آویو سفیرلیگینی قودسه داشیماسی تهلوکهلی نتیجهلر دوغوراجاق
ابو الغیط، ائتدیگی آچیقلامادا، واشینگتون رهبرلیگینین، "تل آویو سفیرلیگینی قودسه داشیماسی و قودسو ایسرائیلین پایتختی اولاراق تانیماسی" ایستیقامتینده قرار قبول ائتمهسیندن درین ناراحاتلیق دویدوغونو سؤیلهدی
عرب بیرلیگی باش کاتیبی احمد ابو الغیط، آمریکانین، تل آویو سفیرلیگینی قودسه داشیما ایستیقامتینده بیر قرار قبول ائتمهسی تهلوکهلی نتیجهلر دوغوراجاغی خبردارلیق ائتدی.
ابو الغیط، میصرین پایتختی قاهیرهده ائتدیگی آچیقلامادا، واشینگتون رهبرلیگینین، "تل آویو سفیرلیگینی قودسه داشیماسی و قودسو ایسرائیلین پایتختی اولاراق تانیماسی" ایستیقامتینده قرار قبول ائتمهسیندن درین ناراحاتلیق دویدوغونو سؤیلهدی.
ابو الغیط،
سببی اولمایان بئله بیر آددیمین باریش و ثابتلیگه خیدمت ائتمیهجگینی، عکسینه، رادیکالیزمی و شدتی آرتیراجاغینی" وورغولاییب.
فیلیسطین فتح حرکتی مرکزی کومیته عضوو و میلی آنلاشماپرونده مسئول عزام الاحمد ده قاهیرهده ائتدیگی آچیقلامادا، آمریکانین، "قودسو ایسرائیلین پایتختی اولاراق تانیماسی"، یا دا "تل آویو سفیرلیگینی قودسه داشیماسی" ایستیقامتینده بیر قرار آلماسی حالیندا آمریکا-فیلیسطین موناسیبتلرینین "جیدی بیر دالانا" گیرجگی خبردارلیق ائتدی.
حماس دا، "آمریکانین تل آویو سفیرلیگینین قودسه داشینماسی" ایستیقامتینده بیر قرار قبول ائتمهسینین منفی نتیجهلری موضوعسوندا هشدار وئردی.
حماس طرفیندن ائدیلن یازیلی آچیقلامادا،
بؤیلهسی بیر قرار، آمریکا طرفیندن قودسه سالدیری معنا داشیییر". دئییلدی.
حماس عرب و ایسلام اؤلکهلرینه مسئولیت داشیما و بئله بیر قراری دایاندیرماق اوچون حرکته کئچمه چاغیریشیندا دا اولوب.
آمریکا مئدیاسینین حاکمیت رسمیلرینه اساسلاندیردیغی خبرلرده، آمریکا پرزیدنتی دونالد ترامپین، 6 آیلیق تاخیره آلما مدتی گلن هفته باشا چاتاجاق 1995-جی ایل تاریخلی آمریکا تل آویو سفیرلیگینین قودسه نقلینه دایر قانونو داها چوخ گؤزلتمهییب قودسو ایسرائیلین پایتختی کیمی تانییاجاغی و سفیرلیگین قودسه نقلینه قرار وئرجگی ادعا ائدیلمیشدی.