سعد حریری اؤلکه‌سینه دؤندو
مصردکی تماس‌لارینی فورتاردیق‌دان سونرا، قیبریس روم یؤنتیمینه گئدن حریری، پایتخت بیروت‌داکی رفیق حریری بین الخالق هاوا لیمانینا چاتیب.
سعودی عربیستاندا 4 نوامبردا لبنان باش ناظیری وظیفه‌سینی بوراخدیغینی بیل‌دیرن سعد حریری، ایستعفاسین‌دان 17 گون سونرا اؤلکه‌سینه دؤندو.
مصردکی تماس‌لارینی فورتاردیق‌دان سونرا، قیبریس روم یؤنتیمینه گئدهن حریری، پایتخت بیروت‌داکی رفیق حریری بین الخالق هاوا لیمانینا چاتیب.
چوخ امنیت تدبیرلری آلتیندا هاوا لیمانین‌دان آیریلان سعد حریری، سوی-قصد نتیجه‌سینده اؤلدورولن آتاسی، کئچمیش باش ناظیرلردن رفیق حریری بیروتدا یئرلشن مزارینی زیارت ائتدیک‌دن سونرا ائوینه کئچدی.
کئچمیش باش ناظیر حریری، سعودی عربیستاندا 4 نوامبردا آچیقلادیغی ایستعفاسی‌نین آردین‌دان سعودی عربیستانی کرا‌لی سلمان بن عبدالعزیز ایله گؤروشموش، بیرلشیک عرب امیرلیک‌لری و فرانسادا دا دانیشیق‌لار آپارمیشدی.
سعد حریری، قوردوغو حکومتین اعتماد رای آلماسی‌نین اوستون‌دن بیر ایل کئچممیش 4 نوامبردا، سعودی عربیستاننی‌نین پایتختی الریاض‌دا ایستعفا وئردیگینی آچیقلامیشدی. ایستعفا چیخیشیندا، حزب الله و ایرانین بؤلگه ایستابیل‌لیگی پوزدوغونو مدافعه ائدن حریری، اؤزونه سوی-قصد تشکیل اولوناجاغی قورخوسو داشیدیغینی دیله گتیرمیشدی.
لبنان پرزیدنتی میشل اووون دا حریری ایستعفاسی ایله باغلی آچیقلاماسیندا "حریری‌نین حاضیردا اولدوغو شرط‌لردن دولایی ناراحاتیق. او، لبنانا قاییتما‌لی و ایستعفا سبب‌لرینی آچیقلاما‌لی‌دیر. بونو ائتمدیگی مدتجه ایستعفاسی گئچرلی دئییل" دئمیشدی.
حریری، اریاضدان قاتیلدیغی بیر تلویزیون پروقرامیندا، اؤلکه‌سینه تئزلیکله قاییداجاغینی و ایستعفاسی ایله باغلی آنایاسا ضرورت‌لری یئرینه یئتیرجگینی بیلدیرمیش، سوسیال مئدیا حسابین‌دان وئردیگی آچیقلامادا دا یاخشی اولدوغونو و قیسا مدت عرضینده اؤلکه‌سینه قاییداجاغینی بیلدیرمیشدی.
