عرب بیرلیگی خاریجی ایشلر ناظرلری قاهیره‌ده نؤوبه‌دن کنار ییغینجاق کئچیردی
عرب بیرلیگی خاریجی ایشلر ناظیرلری سعودی عربیستانی‌نین دعوتیله "ایرانین بؤلگه‌دکی موداخیله‌لرینی" موذاکیره ائتمک عذره قاهیره‌ده نؤوبه‌دن کنار ییغینجاق کئچیردی.
عرب بیرلیگی خاریجی ایشلر ناظیرلری سعودی عربیستانی‌نین دعوتیله "ایرانین بؤلگه‌دکی موداخیله‌لرینی" موذاکیره ائتمک عذره قاهیره‌ده نؤوبه‌دن کنار ییغینجاق کئچیردی.
ییغینجاقدا ناظیرلر ایرانی حوصی لری سلاحلا تامین ائتمکده گوناهلان‌دیرا‌راق، تهرانی بؤلگه‌دکی موداخیله‌لرینی دایان‌دیرماق اوچون بیرگه عرب موقعی اورتایا قویماغا چاغیردی.
عرب بیرلیگی‌نین باش کاتیبی احمد ابوالغیط ییغینجاغین آچیلیش ایجلاسیندا چیخیش ائده‌رک دئدی کی، بؤلگه‌نین شدت و مذهبچی‌لیک‌دن خلاص ائدیلمه‌سی ایرانین عرب دونیاسینا ایستیقامت‌لی موقعینی دییشمه‌سیندن آسیلی‌دیر.
سعودی عربیستانی خاریجی ایشلر ناظیری عادل الجبیر ایسه حوصی لرین 2016-جی ایلین اوکتبر و جاری ایلین نوامبر آییندا مکه‌یه یؤنلدیلمیش موشک هوجومونو خاطیرلاتدی.
جیبوتی‌نین خاریجی ایشلر ناظیری محمود علی یوسف-ده ایراندان عرب اؤلکه‌لری‌نین ایچ ایشلرینه موداخیله‌سینه سون قویماسینی ایسته‌یه‌رک، سون زامان‌لاردا آرتان ایران موداخیله‌لری اوچون عاجل و تأثیرلی حله احتیاج اولدوغونو وورغولادی.
میصرین خاریجی ایشلر ناظیری سامح شکری ده اؤلکه‌سی‌نین بؤلگه‌نین تهلوکه‌سیزلیگی و ثابت‌لیگی‌نین دستکلنمه‌سی مسئله‌سینه صداقتینی وورغولایا‌راق، "کؤرفز اؤلکه‌لری‌نین تهلوکه‌سیزلیگی"نین قیرمیزی خط اولدوغونو دئدی.
بحرین-نین خاریجی ایشلر ناظیری خالد بن احمد آل خلیفه ده لبنان-ا چاغیریش ائده‌رک بیلدیریب کی، لبنان حزب الله-ین هوجوم‌لاری ایله عراق، سوریه، یمن و بحرین کیمی قونشو اؤلکه‌لردکی هوجوملارا گؤره مسولیتی اؤز اوزرینه گؤتورمه‌لی‌دیر.
