بغداد اربیلین بودجه‌سینی 5 فایز آزالدیر

عراق-دا مرکزی حکومتین 2018-جی ایله مخصوص بودجه لاییحه‌سینده اربیل اوچون تقدیم ائدیلن پایین 5 فایز آزالدیلماسینی پلانلاشدیردیغی معلوم اولوب.

842738
بغداد اربیلین بودجه‌سینی 5 فایز آزالدیر

عراق-دا مرکزی حکومتین 2018-جی ایله مخصوص بودجه لاییحه‌سینده اربیل اوچون تقدیم ائدیلن پایین 5 فایز آزالدیلماسینی پلانلاشدیردیغی معلوم اولوب.

عراق مجلیسینده حاضیرلانان 2018-جی ایله عایید بودجه لاییحه‌سی حاقیندا معلومات‌لارین مطبوعاتا سیزماسی نتیجه‌سینده عراق کورد بولگه سل رهبرلیگینه آیریلان پایین گله‌جک ایل 12،67 فایزه دوشورولمه‌سی پلانلاشدیریلیر.

2004 -جو ایلدن بری‌دیر عراق بودجه‌‌سی‌نین 17 فایزی اربیل رهبرلیگینه آیریلیردی.

مرکزی حکومتین 19 میلیارد دول‌لار کسیرله 91 میلیارد دول‌لار اولا‌راق پلانلاشدیردیغی 2018 بودجه لاییحه‌سی‌نین جمعی 3،8 میلیون بوشقا گونده‌لیک نفت صادراتینا اساس‌لانیر.

حاضیرلانان بودجه لاییحه‌سینده اؤلکه‌نین گونده‌لیک جمعی نفت صادراتینین ساده‌جه 250 مین بوشقا حیصه‌سی‌نین عراق کورد بولگه سل رهبرلیگینه باغلی بؤلگه‌لردن چیخاریلدیغی بیلدیریلدیکده، بونا مقابیل کرکوک‌دن گونده‌لیک چیخان نفت میقداری‌نین 300 مین بوشقا اولدوغو قئید ائدیلیر.

عراق کورد بولگه سل رهبرلیگی‌نین سپتامبرین 25-ده کئچیردیگی قانون‌سوز رفرندوم‌دان سونرا کرکوک باشدا اولماقلا موناقیشه‌لی بؤلگه‌لره نظارتی اله کئچیرن رسمی بغداد بودجه‌نی دوشورمکله اربیله قارشی علاوه آدیم‌لار آتارکن عراق مجلیسینده کی کورد میللت وکیل‌لری یئنی بودجه لاییحه‌سینه اعتراضلارینی بیلدیریرلر.

یئنی بودجه لاییحه‌سینه گؤره عراق کورد بولگه سل رهبرلیگی رسمی بغداددان 6،77 میلیارد دو‌لار پای آلا‌جاق. بؤلگه‌دکی دؤولت ایشچی‌لری‌نین ایللیک امک حاق‌لاری ساده‌جه 8،47 میلیارد دو‌لار تشکیل ائدیر.



ایلگیلی‌لی خبرلر