العبادی: عراق کورد بؤلگه‌سل رهبرلیگی‌، هاوا لیمان‌لاری و مرز قاپی‌لارینی مرکزی حکومته تسلیم ائتمه‌لی

عراق باش ناظیرین مطبوعات اوفیسی‌نین یازی‌لی آچیقلاماسینا گؤره، عبادی، آمریکا خاریجی ایشلر ناظیری رکس تیلرسون ایله تلفوندا گؤروشوب

835405
العبادی: عراق کورد بؤلگه‌سل رهبرلیگی‌، هاوا لیمان‌لاری و مرز قاپی‌لارینی مرکزی حکومته تسلیم ائتمه‌لی

عراق باش ناظیری حیدر العبادی، عراق کورد بؤلگه‌سل رهبرلیگی‌نین، کونترولوندا اولان هاوا لیمان‌لاری و مرز قاپی‌لارینی مرکزی حکومته تسلیم ائتمه‌سی لازیم اولدوغونو سؤیله‌دی.

عراق باش ناظیرین مطبوعات اوفیسی‌نین یازی‌لی آچیقلاماسینا گؤره، عبادی، آمریکا خاریجی ایشلر ناظیری رکس تیلرسون ایله تلفوندا گؤروشوب.

گؤروشمه‌ده، ترور تشکیلاتی داعشین سون قالاسی اولان انبارا باغلی قائم‌ی قورتارما عملیاتی، مرکزی حاکمیت گوجلری‌نین کرکوک و دیگر بؤلگه‌لره یئنی‌دن مسکونلاشماسی و امنیتله سیاسی پروسه‌لر موذاکیره اولونوب.

عبادی،

اؤنجه‌لیغیمیز" هله ده داعشله موباریزه‌دیر. داعشی یاخیندا مغلوب ائدیب موباریزه‌میزی تاماملاماغا عزیملیگیک". دئدی.

مرکزی حکومتین اؤلکه‌نین هر یئرینده آنایاسانی اویغولامادا ایصرارجی اولدوغونو وورغولایان عبادی،

عراق" کورد بؤلگه‌سل رهبرلیگی، هاوالیمان‌لاری و مرز قاپی‌لارینی فدرال حاکمیته تسلیم ائتمه‌لی‌دیر. فدرال حاکمیت گوجلری‌نین یئنی‌دن داغیلیمی (موباحیثه‌لی بؤلگه‌لرده) و نفوذونون تامین ائدیلمه‌سی آنایاسایا اویغون‌دور. او بؤلگه‌لرده وطنداش‌لارین امنیتینه ده اهمیت وئریریک". ایفاده‌لرینی ایستیفاده ائتدی.



ایلگیلی‌لی خبرلر