خامنه‌ای: جیریب آتاریق
"آوروپا ایرانین موشک پروگرامینا و تهرانین بؤلگه‌سل سیاستینه قاریشماغا سون قویما‌لی‌دیر"
ایرانین دینی لیدئری علی خامنه‌ای، 2015 ایلینده امضا‌لانان نوکلئر آنلاشمانی، طرف‌لردن بیری چکیلمدیگی تقدیرده اویقولامایا داوام ائده‌جک‌لرینی بیلدیردی.
آمریکا باشقانی دونالد ترامپین 13 اکتبردا آچیکلاماسیندا "اگر کنگره و متفیق‌لریمیزله بیر چؤزومه چاتماساق لغو ائدیله‌جک" دئدیگی نوکلئر آنلاشما‌نین عاقیبتی ایله باغلی آچیقلاما دا ایرانین دینی لیدئری علی خامنه‌ای‌دن گلدی.
تهراندا اؤیرنجیلره دانیشان خامنه‌ای، طرف‌لردن بیری چکیلمدیگی مدتجه اؤزلری‌نین ده آنلاشمانی حیاتا گئچیرمه‌یه داوام ائده‌جک‌لرینی وورغولادی.
خامنه‌ای،
"او بیری طرف ائتمه‌دن قاباق بیز آنلاشمانی پوزمایاجاییق. آنجاق آنلاشما پوزولارسا اونو جیریب آتاریق" دئدی.
خامنه‌ای، آوروپا اؤلکه‌لری‌نین ایران ایله ایمضا‌لانان نوکلئر آنلاشمانی دستکلمه‌سینی ممنونلوقلا قارشیلادیغینی آچیقلارکن،
"آوروپا ایرانین موشک پروگرامینا و تهرانین بؤلگه‌سل سیاستینه قاریشماغا سون قویما‌لی‌دیر" دئیه دانیشدی.
خامنه‌ای آیریجا "کوبود آمریکا پرزیدنتی‌نین بوش سؤزلرینه و چیغیرما‌لارینا جاواب وئره‌رک واختیمی ایتیرمک ایسته‌میرم" دئدی.
آمریکانین داعشین یارادیجی‌سی و اولوسلارآراسی صهیونیزمین بیر جاسوسو اولدوغونو دئین خامنه‌ای، "آبش غضب‌لی چونکو تهران واشینگتونون لبنان، عراق و سوریه‌ده‌کی پلان‌لارینی پوزدو" دئیه دانیشدی.
ایلگیلی‌لی خبرلر
ایسرائیلین غزه زولاغینا هوجوملاریندا اؤلو سایی آرتیب
حیاتینی ایتیرنلرین سایینین 33 مین 899-آ، یارالیلارین سایینین ایسه 76 مین 664-ه یوکسلدیگی بیلدیریلیب
