ایران، تلگرامی شکایت ائتدی

تهران باش ساوجی‌سی، تلگرام مئساژلاشما پروگرامی‌نین داعش ترور هؤرگوتو طرفین‌دن آکتیو اولا‌راق ایستیفاده ائدیلدیگینی ایره‌لی سوردو

815030
ایران، تلگرامی شکایت ائتدی

ایران حکومتی، تلگرامین قوروجوسو پاول دورووو شکایت ائتدی.

تهران باش ساوجی‌سی عباس جعفری دولت آبادی مسئله ایله باغلی وئردیگی آچیقلامادا، تلگرام مئساژلاشما پروگرامی‌نین داعش ترور هؤرگوتو طرفین‌دن آکتیو اولا‌راق ایستیفاده ائدیلدیگینی ایره‌لی سوردو.

دوروو ایسه تویتر اوزرین‌دن ادعا‌لارا وئردیگی جاوابدا،

"بیز، ترور عضو‌لرینی و پورنوگرافیک گؤرونتو احتوا ائدن مئساژلاری ایراندا وئریلن خیدمتیمیزده فعال اولا‌راق بلوکلاییریق. بو ادعا‌لارداکی گرچک سبب‌لرین باشقا اولدوغونو دوشونوروک" دئدی.

داعشین، تلگرام و واتس آپ کیمی مئساژلاشما کانال‌لاری و اینستاگرامی تبلیغات مقصدیله ایستیفاده ائتدیگی بیلدیریلمیشدی.

اینگیلیس تایمز قزئتی، اینستاگرامدا 50 مین‌دن چوخ داعش یان‌لی‌سی حسابین کشف ائدیلدیگینی یازمیشدی.

اینستاگرام‌دان وئریلن آچیقلامادا،

"تروریستلرین، ترور تبلیغاتی‌نین و یا ترور اؤووجو ایچریک‌لرین اینستاگرامدا یئری یوخ‌دور. بو نؤوع ایچریک‌لری و حساب‌لاری معین ائدر ائتمز قالدیریریق" دئییلمیشدی.

بیر فوتو مئساژلاشما اویقولاماسی اولان اسنپ چت‌ین ده هؤرگوت طرفین‌دن باتی اؤلکه‌لرین‌دن عضو قازانماق اوچون ایستیفاده ائدیلدیگی یولوندا تاپقی‌لار الده ائدیلمیشدی.

اسنپ چت ده اوخشار آچیقلاما ایله بو جور ایچریک و حساب‌لارا گؤز یومولمادیغینی آچیقلامیشدی.



ایلگیلی‌لی خبرلر