گورجوستان پرزیدنتی تورکیه و آذربایجانا تشککور ائتدی

گورجوستانین پرزیدنتی گئورگی مارگولاشویلی تورکیه و آذربایجانا Borcomi-Haraguli مئشه‌سینده چیخان یانغی‌نین سؤندورولمه‌سینه وئردیک‌لری دسته‌یه گؤره تشککور ائتدی.

 گئورگی مارگولاشویلی مسئله ایله باغلی مطبوعات کونفرانسیندا:"یانغی‌نین سؤندورولمه‌سینده بیزه یاردیم ائدن آذربایجان و تورکیه‌یه تشککور ائدیرم. بو فلاکتین عهده سیندن گلمکده بیزه فعال شکیلده کؤمک ائدن هر کسه میننتدارلیغیمی بیلدیریرم" ایفاده‌لرینی ایشلتدی.

آوقوستون 20-ده Borcomi-Haraguli مئشه‌سینده چیخان یانغین شدت‌لی کولیین تأثیریله سرعتله یاییلمیش، بوتون سعی‌لره باخمایا‌راق سؤن‌دوروله بیلمه‌میشدی.

بون‌دان سونرا تورکیه و آذربایجانین فؤق العاده حال‌لار ناظیرلیگی یانغینی سؤندورمه ایشلرینه دستک وئرمک اوچون گورجوستانا هلیکوپتر گؤندرمیشدی‌لر.