ترامپ-ین باش مشاویری اورتا دوغویا سفر ائدهجک
آمریکانین پرزیدنتی دونالد ترامپ-ین دامادی و باش مشاویری جارد کوشنر بو هفته اورتا دوغویا گئدهرک ایسرائیل-ین باش ناظیری بنیامین نتانیاهو و فیلیسطین دؤولت باشقانی محمود عباس ایله گؤروشهجک.
آمریکانین پرزیدنتی دونالد ترامپ-ین دامادی و باش مشاویری جارد کوشنر بو هفته اورتا دوغویا گئدهرک ایسرائیل-ین باش ناظیری بنیامین نتانیاهو و فیلیسطین دؤولت باشقانی محمود عباس ایله گؤروشهجک.
آغ ائوین سؤزچوسو شان اسپایسر آمریکا مئدیاسیندا چیخان خبرلری تصدیق ائدهرک، کوشنرین بو هفته اورتا دوغودا باریش پروگرامی چرچیوهسینده بؤلگهیه سفر ائدجگینی بیلدیردی.
سفرین دئتاللاری بارهسینده معلومات وئرمهین اسپایسر کوشنرین چرشنبه گونو اول قدس-ده ایسرائیل-ین باش ناظیری بنیامین نتانیاهو ایله، داها سونرا رام الله شهرینده فیلیسطین لیدئری محمود عباس ایله گؤروشه جگینی بیلدیردی.
کوشنری سفرده ترامپ-ین اولوسلار آراسی دانیشیقلار عذره خصوصی نمایندهسی ژاسون گرنبلات اشلیک ائدهجک.
سفر زامانی اورتا دوغودا باریشین برقرار اولماسی مسئلهسینده ایرلیلییشلر الده اولونماسی اوچون آمریکا رهبرلیگینین سعی گؤسترمهسی گؤزلنیلیر.
کئچن آیین سونوندا اورتا دوغویا گئدهرک فیلیسطین و ایسرائیل لیدئرلری ایله گؤروشن ترامپ ایکی اؤلکهنین اورتا دوغودا باریش مسئلهسی ایله علاقهدار الده اولوناجاق راضیلیلاشمانی قبول ائده بیلهجکلرینی بیلدیرمیشدی.