سوریه-ده سیویل لرین تخلیه‌سی داوام ادیر

سوریه-نین حمص ویلایتی‌نین رئژیمین محاصره‌سینده اولان وعر بولگه سیندن تخلیه ائدیلن سیویل و حربی عنصورلارین یئر آلدیغی 5-جی کاروان جرابلس قصبه‌سینه چاتدی.  

وعر بولگه سیندن چرشنبه آخشامی حرکت ائدن 5-جی کاروان داکی 2 مین 124 نفر حلب-ین قوزئی دوغوسوندا، تورکیه سرحدینده "فرات قالخانی" عملیاتی چرچیوه‌سینده ترور تشکیلاتی داعش-دن تمیزلنن جرابلس قصبه‌سینه چاتدی.

510 -و اوشاق، 275-ی قادین اولماقلا جمعی مین 874 سیویل و 250 حربی موخالیف جرابلس-‌داکی زوغارا دوشرگه‌سینه یئرلشدیریلدی.

اینسان حاق و آزادلیق‌لاری (İHH) اینسانی یاردیم وقفی موخالیف‌لرین یاشادیغی بؤلگه‌یه گیرن کاروانا ارزاق کؤمک‌لیگی گؤستردی.

قئید ائدک کی، وعر-ده کئچن آی باشلادیلان تخلیه‌لر چرچیوه‌سینده چیخاریلان ایلک ایکی کاروان جرابلس-دا سالینان دوشرگه‌لره آپاریلمیشدی.

3 -جو کاروان ادلیب اراضی‌سین‌دکی موقتی دوشرگه مرکزلرینه، 9 آوریلده چیخان 4-جو کاروان ایسه جرابلس-‌داکی زوغارا دوشرگه‌سینده یئرلشدیریلمیشدی.