حمص-دان ایکینجی قروپ دا آیریلدی

سوریه-ده حمص شهری‌نین مرکزینده بشار اسد رئژیمی‌نین محاصره‌یه آلدیغی و آتشکسین گوج‌لو شکیلده پوزولدوغو وائر بؤلگه‌سیندن ایکینجی تخلیه قروپو آیریلدی.

1800 نفردن عبارت 350 عائله سوریه قیزیل آی جمعیتی‌نین تامین ائتدیگی آتوبوس‌لارلا بؤلگه‌دن آیریلا‌راق حلب-ین قوزئی ینده کی الباب قصبه‌سی ایستیقامتینده یولا دوشدو.

وائر بؤلگه‌سین‌دن آیریلان‌لار آراسیندا 40 خسته و یارا‌لی دا سوریه-نین قیزیل آی جمعیتینه مخصوص آمبولانس لارلا  تخلیه ائدیلیر.

بؤلگه‌دن کئچن هفته ائدیلن ایلک تخلیه‌ده 400-و سلاح‌لی موخالیفت اولماقلا 2 مینه یاخین سوریه-لی چیخمیش، همین اینسان‌لار حلب-ین قوزیی دوغوسونداکی جرابلس قصبه‌سین‌دکی دوشرگه‌لرده یئرلشدیریلمیشدی.