ایسرائیله بایکوت چاغیریشی ائدنلر بو اؤلکه‌یه گیره‌مه‌یه‌جک
ایسرائیل پارلامنتی (کنست)، ایقتیصادی، مدنی و یا آکادمیک بایکوت چاغیریشی ائدن‌لرین اؤلکه‌یه گیریشینه مانعه تؤره‌دن بیر قانون لاییحه‌سینه اونای وئردی
ایسرائیل پارلامنتی (کنست)، ایقتیصادی، مدنی و یا آکادمیک بایکوت چاغیریشی ائدن‌لرین اؤلکه‌یه گیریشینه مانعه تؤره‌دن بیر قانون لاییحه‌سینه اونای وئردی.
ایشغال آلتین‌داکی فیلیسطین تورپاق‌لاریندا یئر آلان یهودی مسکونلاشما واحیدلرینی و یا ایسرائیلی بایکوت ائتمه چاغیریشی ائدن‌لره ویزا وئریلممه‌سی یؤنوندکی قانون تکلیفی، 28-ه قارشی 46 سسله قبول ائدیلدی.
لاییحه‌نین قانونلاشماسی حالیندا، بیله‌رک و معین بیر مقصد ایچینده ایسرائیلین بایکوت ائدیلمه‌سی حاقیندا توپلانتی مراجعت اولان، الین‌دکی صلاحیت و مسئولیتی ایسرائیله قارشی سیاسی و ایقتیصادی محدودیت‌لر اوچون ایستیفاده ائدنلر و یا بایکوتا بیلواسیطه اولا‌راق سبب اولان‌لارا ویزا یا دا اوتورما ایجازه‌سی وئریلمه‌یه‌جک.
لاییحه، ایسرائیلده موقتی ایجازه ایله یاشایان فیلیسطین‌لی‌لری ده ایچه ریر.
لاییحه‌نین نه واخت یاسالاشاجاغی و قاداغانین نه زامان ایجرایه‌یه میندیگی هله نتلشمزکن، هاآرتض قزئتی، لاییحه یاسا‌لاشسا دا، ایچ ایشلر ناظیرلیگی‌نین بعضی اؤزل وضعیت‌لرده استثنا قرارلار آلا بیله‌جگینی بیلدیردی.
کولانو پارتیسی میللت وکیلی روی فولکمانین قزئته وئردیگی معلوماتا گؤره، لاییحه‌نین اساس هدفی بایکوت، تجرید و تحریم‌لر حرکتی (BDS) کیمی حرکت‌لر.
بین الخالق بیر حرکت اولا‌راق 2005-جی ایلده قورولان بایکوت، تجرید و تحریم‌لر حرکتی، فیلیسطین توپراغینداکی ایسرائیل ایشغالینا سون وئریلمه‌سی، ایسرائیلین عرب-فیلیسطین‌لی وطنداش‌لارینا تام برابرلیک تامین ائدیلمه‌سی و فیلیسطین‌لی سیغینماچی‌لارین گئری دؤنوش حاق‌لارینا حؤرمت ائدیلمه‌سی اوچون فعالیتلر ائدیر.
ایسرائیلین ایقتیصادی، آکادمیک، مدنی و سیاسی ساحه‌ده بایکوت ائدیلمه‌سینی ساوونان بایکوت، تجرید و تحریم‌لر حرکتی، بو شکیلده تل آویو رهبرلیگی اوزرینده باسقی یارادیلماسینی هدفلییر.
