پوتین‌دن امامعلی رحمانا دؤولت نیشانی
"تاجیکیستان-افغانیستان سرحدی‌نین قورونماسی اوچون تاجیکیستاندا اولان روس مرکزی‌نین ایمکان‌لاریندان ایستیفاده ائدیلمه‌سی باره‌ده آنلاشدیق"
روسیا دؤولت باشقانی ولادیمیر پوتین، تاجیکیستان-افغانیستان سرحدی‌نین قورونماسی اوچون تاجیکیستاندا اولان روس حربی مرکزی‌نین ایستیفاده ائدیلمه‌سی قونوسوندا آنلاشما تامین ائدیلدیگینی بیلدیردی.
رسمی گؤروشمه‌لر اوچون گئتدی دوشنبه‌ده، تاجیکیستان پرزیدنتی امامعلی رحمان ایله گؤروشمه‌سی‌نین آردین‌دان تشکیل ائدیلن اورتاق مطبوعات کنفرانسیندا دانیشان پوتین، افغانیستاندا داعش ایله دیگر ترور و جینایت شبکه‌لری‌نین یاییلماسین‌دان راحاتسیز‌لیق دویدوق‌لارینی ایفاده ائده‌رک؛
"بو سببله تاجیکیستان-افغانیستان سرحدی‌نین قورونماسی اوچون تاجیکیستاندا اولان روس مرکزی‌نین ایمکان‌لاریندان ایستیفاده ائدیلمه‌سی باره‌ده آنلاشدیق" دئدی.
ولادیمیر پوتین، سفری سیراسیندا تاجیکیستان پرزیدنتی رحمانا ایکی اؤلکه ایلیشکی‌لرینه قاتقی‌لاری سببیله روسیا آلکساندر نئوسکی دؤولت نیشانینی دا تقدیم ائتدی.
کرملین مطبوعات مرکزین‌دن وئریلن آچیقلامادا ایسه پوتینین سفری چرچیوه‌سینده ایکی اؤلکه آراسیندا اقتصاد، تیجارت، انرژی و تحصیل کیمی ساحه‌لرده 7 آنلاشمایا ایمضا آتیلدیغی ایفاده ائدیلدی.
