خوزستاندا اعتراضلار داوام ائدیر
"عربی21" آدلی خبر سایتی، گوونلیک گوجلرینین گؤستریلره مداخیلهسی اسیراسیندا حسن البوغبیش آدلی بیر گؤستریچینین حیاتینی ایتیردیگینی ادعا ائتدی
ایرانین خوزستان ایالتینه باغلی عربلرین چوخونلوقدا اولدوغو اهواز شهرینی تأثیری آلتینا آلان شدتلی قوم فیرتیناسیندان قایناقلی الکتریک و سو کسینتیلرینین داوام ائتمهسی سببیله گؤستری تشکیل ائدیلدی.
ایران مئدیاسینا یانسیان معلوماتلارا گؤره، خالق گئچن هفتهدن بو یانا آرالیقلارلا اهواز والیلیگی قارشیسیندا گؤستری تشکیل ائدیر.
امنیت گوجلرینین گؤستریچیلره مداخیله ائتدیگی و گؤستریلرین یاییلماماسی اوچون بؤلگهده اینترنتین کسیلدیگی ادعا ائدیلیر. ایکینجی بیر دویورویا قدر والیلیک قارشیسیندا اعتراض گؤستریلرینین ده قاداغان ائدیلدیگی بیلدیریلدی.
"عربی21" آدلی خبر سایتی، گوونلیک گوجلرینین گؤستریلره مداخیلهسی اسیراسیندا حسن البوغبیش آدلی بیر گؤستریچینین حیاتینی ایتیردیگینی ادعا ائتدی.
اهواز والیلیگی، شهردکی هاوا چیرکلیلیگینین ساغلیغی تهدید ائدیجی نقطهیه چاتماسی سببیله خالقی ماسکسیز کوچهیه چیخیلماماسی یولوندا اویاردی.
چوخ ساییدا انسان تنفس و آغجییر چاتیشمازلیغیندان اهوازداکی خستهخانالارا قالدیریلدی. بؤلگهدکی هاوا چیرکلیلیگی ایله الکتریک و سو کسینتیلرینین ده یاشانماسی سببیله خوزستان ایالتینه باغلی 11 ائلچهده مکتبلر و رسمی دایرهلر تعطیل ائدیلدی.
ایران پرزیدنتی حسن روحانینین باشقانلیغینداکی حکومت ده، بؤلگهدکی بحرانی یؤنتهممهدیگی سببیله هم بؤلگه خالقینین هم ده محافظهکار قانادین تنقیدلرینه معروض قالدی. محافظهکارلار حکومتین بحرانا لاقید قالدیغینی اؤنه سوررکن روحانی حکومتی ایسه شهرده اؤنجهکی حکومتلر دؤورونده آرادان قالدیریلمایان آلت یاپی چاتیشمازلیقلاری سببیله بؤلگهیه یئنیدن الکتریک و سو وئریلمهسینین اوزاندیغینی ادعا ائدیر.
تهراندا تشکیل ائدیلن بؤلگهدکی بحرانی اله آلان بحران یؤنهتیمی ییغینجاغینا قاتیلان روحانی، بؤلگهیه الکتریک و سو وئرمک اوچون بوتون ایمکانلارین سفربر ائدیلدیگینی بو چرچیوهده دا ایلگیلی باخانلارین وظیفهلندیریلدیگینی سؤیلهدی. روحانی آیریجا خالقین تپکیسینی آنلادیقلارینی و گؤستردیکلری صبر اوچون تشکر ائتدی.
اؤته یاندان اؤلکهده سیاست، صنعت و ایدمان دونیاسیندان چوخ ساییدا انسان دا بؤلگهدکی هاوا چیرکلیلیگینه قارشی حکومتی لازیم تدبیرلری آلمادیغی سببیله تنقید ائتدی.