صوفی توربه‌سی قانا بولاندی

صوفی عالیم‌لرین‌دن لال شهباز قلندرین توربه‌سینده میدانا گلن پاتلاما سیراسیندا حیاتینی ایتیرن‌لر آراسیندا اوشاق و قادین‌لار دا وار

674287
صوفی توربه‌سی قانا بولاندی
dışişleri, kanada cami saldırı kınama.jpg

پاکیستانین سند ایالتینده بیر توربه‌ده تشکیل ائدیلن انتحار سالدیریسیندا ان آز 70 نفر اؤلدو، 150 نفر ده یارالاندی.

سند ایالتی گوونلیک قایناقلاریندان‌ آلینان معلوماتا گؤره، سهوان شریف شهرین‌دکی صوفی عالیم‌لرین‌دن لال شهباز قلندرین توربه‌سینده میدانا گلن پاتلاما سیراسیندا حیاتینی ایتیرن‌لر آراسیندا اوشاق و قادین‌لار دا وار.

یارا‌لانان‌لارین چوخونون وضعیتی ایسه وخیم.

سالدیرینی، داعش ترور هؤرگوتو اوستلندی.

پاکیستان باشباخانی نواز شریف و ایچ ایشلری باخانی چودری نثار علی خان، سالدیرینی شدتله قینادی‌لار.

تورکیه ده، سند ایالتینده توربه‌یه تشکیل ائدیلن ترور سالدیریسینی شدتله قینادی.

خاریجی ایشلر باخانلیغیندان وئریلن یازیلی آچیقلامادا، ترور سالدیریسیندا چوخ ساییدا انسانین حیاتینی ایتیردیگی و یارالاندیغی‌نین بؤیوک کدرله اؤیرنیلدیگی ایفاده ائدیله‌رک،

"پاکیستانین دینج‌لیک و ثابت‌لیگینی هدف آلان بو منفور ترور حرکتینی شدتله قیناییر، حیاتینی ایتیرنلره رحمت، یارا‌لی‌لارا عاجل شفا، پاکیستان حکومتی ایله قارداش پاکیستان خالقینا باش ساغ‌لیغی دیلییریک" دئییلدی.

آچیقلامادا، تورکیه‌نین، دوست و قارداش پاکیستانا ترورلا قرارلی مباریزه‌سینده وئردیگی دستگی داوام ائتدیرجیی ایفاده ائدیلدی.



ایلگیلی‌لی خبرلر