اوسامه النوجیفی: عراق دولتی پ.ک.ک-یا اولان دستگینی کسدی

عراق باشقان یاردیمچیسی، اؤلکه‌سی‌نین پ.ک.ک-یا اولان دستگینی کسدیگینی ایفاده ائتدی

عراق باشقان کؤمکچی‌سی اوسامه النوجیفی، بغدادین، تورکیه ایله ائتدیگی راضیلاشما‌دان سونرا پ.ک.ک ترورچولارینا آرتیق حقوق اؤدمدیغینی سؤیله‌دی.

عراقین ایره‌لی گلن سوننی لیدرلرین‌دن اوساما النوجیفی‌نین آچیقلاما‌لاری، بیر ایلدن بو یانا گرگین اولان آنکارا و بغداد آراسین‌داکی علاقه‌لرین نورماللشدیغی‌نین بیر گؤستریجی‌سی اولدو.

عراق باشقان کؤمکچی‌سی اوساما النوجیفی، عراق حکومتی‌نین، بؤلوچو ترور تشکیلاتی پ.ک.ک-یا اولان دستگینی سونلاندیردیغینی ایفاده ائتدی.

پ.ک.ک، 1984دن بو یانا تورکیه‌دکی حکومت تشکیلات‌لارینی، امنیت گوجلرینی و وطنداش‌لاری هدف آلان سالدیری‌لار ائتمیش سیلاح‌لی بیر تروریست تشکیلات‌دیر.

قوزئی عراقین قندیل داغیندا یئرلشمیش اولان تشکیلات، تورکیه و آمریکادا داخیل اولماق عذره بیر چوخ اؤلکه و آوروپا بیرلیگی کیمی بین الخالق تشکیلات‌لار طرفین‌دن تروریست بیر تشکیلات اولا‌راق قبول ائدیلمکده‌دیر.

تورک سیلاح‌لی گوجلری دوزنلی اولا‌راق قوزئی عراقا مرز سونراسی عملیات‌لار ائتمکده، پ.ک.ک هدف‌لرینی و سیغینا‌جاق‌لارینی وورماقدا‌دیر.

آنجاق، بغدادداکی عراق حکومتی تشکیلاتا سیلاح و پول دستک وئریردی.

پ.ک.ک، سوریه‌نین هاسکی محلینه چوخ قیسا بیر مسافه‌ده اولان ایستراتژی سینجار بؤلگه‌سینی، 2015-جی ایلین سون‌لاریندا داعش تروریست تشکیلاتین‌دان اله کئچیرمیشدی. او تاریخ‌دن بو یانا دا اتنیک و دینی اولا‌راق یزیدی اها‌لی‌نین اکثریتده اولدوغو بو بؤلگه‌نی، عراق حکومتی‌نین ده دستگیله نظارت آلتیندا توتموش‌دور.

فوتو آلتی یازیسی- عراق قصبه‌سی اولان سینجارداکی 12 نوامبر 2015-جی ایل تاریخ‌لی بیر عملیات اثناسیندا قصبه‌دن توستولر یوکسلدیگی گؤرولور.

آنجاق، عراق پرزیدنتی معاوینی النوجیفی، عراق کورد بؤلگه‌سل یؤنتیمینین رسمی خبر آژانسی اولان روداو-ا وئردیگی رپورتاژدا، تورکیه‌نین عراق کورد بؤلگه‌سل یؤنتیمی و عراق حکومتی "راضیلاشما اولماسین‌دان" سونرا، بغدادین پ.ک.ک ترورچولارینا و اونلارین یزیدی ایشبیرلیکچیلرینه حقوقو اؤدمگی دایاندیردیغینی سؤیله‌دی.

نوجیفی "منیم بیلدیگیم قدریله، بو پروبلم آمریکا نظارتینده بیر حلّ قوووشدورولدو،" دئدی.

عراق کورد بؤلگه‌سل یؤنتیمی، عراقین ایکینجی ان بؤیوک شهری اولان موصولو داعش تروریست تشکیلاتین‌دان آلماق اوچون ائدیله‌جک بیر عملیات اوّلینده، تورک بیرلیک‌لرینی عراق‌داکی کورد پئشمرگه‌لرینی اؤیرتمک عذره بعشیقه دوشرگه‌سینه دعوت ائتمیشدی.

موصول، ژوئن 2014-جو ایلده ترور تشکیلاتی‌نین الینه کئچمیشدی.