العبادی:"پ.کا.کا-نین عراق-دان تورکیه‌یه سالدیرماسی قبول ائدیله مز"
عراق-ین باش ناظیری حیدر العبادی بولوجو ترور تشکیلاتی پ.کا.کا-نین عراق توپراقلارینی ایستیفاده ائده‌رک تورکیه‌یه هوجوم ائتمه‌سینی قبول ائتمه‌یه‌جک‌لرینی سؤیله‌دی.
عراق-ین باش ناظیری حیدر العبادی بولوجو ترور تشکیلاتی پ.کا.کا-نین عراق توپراقلارینی ایستیفاده ائده‌رک تورکیه‌یه هوجوم ائتمه‌سینی قبول ائتمه‌یه‌جک‌لرینی سؤیله‌دی.
العبادی پایتاخت بغداد-داکی "یاشیل بؤلگه"ده یئرلشن حکومت بیناسیندا تشکیل ائتدیگی مطبوعات کونفرانسیندا دئدی کی، اؤلکه‌نین قانون‌لاری دا بونا ایجازه وئرمیر.
باش ناظیر بینالی ییلدیریم-ین 5-6 ژانویه ده عراق-ا ائدجگی سفره ده توخونان العبادی بیلدیردی کی، تورکیه باش ناظیری‌نین عراق-ا سفری قارشی‌لیق‌لی زیارت‌لر و علاقه‌لرین گوجلندیریلمه‌سی چرچیوه‌سینده باش توتا‌جاق. تورکیه و بوتون اؤلکه‌لرله سیاسی، گوونلیک، اقتصادی و تیجارت علاقه‌لری اینکیشاف ائتدیرمک ایستییریک.
عراق-ین باش ناظیری موصولو داعش-دن قورتارما عملیاتی ایله علاقه‌لی اولاراق دا دئدی کی، گوونلیک گوجلری داعش-ه قارشی سون گون‌لرده ایرلیلییش الده ائدیب. تروز تشکیلاتین محو ائدیلمه‌سی اوچون دونیا اؤلکه‌لریندن کشفیات پایلاشیمی مسئله‌سینده دستک طلب ائتدی.
العبادی موصول-دا قورتاریلان بؤلگه‌لرده عائله‌لره ارزاق کوپن لاری پایلانماغا و مکتب‌لرین یئنی‌دن آچیلماغا باشلاندیغینی دیله گتیره‌رک، عراق-دا ترورا قارشی آچیق شکیلده موباریزه آپاردیق‌لارینی، بغداد، نجف و صلاح الدین شهرلرینده یاشانان هوجوم‌لارلا علاقه‌لی تهلوکه‌سیزلیک ساحه‌سینده ضعیف‌لیک اولدوغونو، پایتاخت و دیگر شهرلرده کی یول حرکتینه نظارتله علاقه‌لی گوونلیک گوجلرینه یئنی تعلیمات‌لار وئردیگینی سؤیله‌دی.
