سوریهده آتیشکس
"آتیشکسه تورکیه و روسیا گارانتور صیفتیله دستک وئرمکدهدیر"
تورکیه، سوریهده آتیشکسین بو گئجه باشلایاجاغینی آچیقلادی.
خاریجی ایشلر باخانلیغینین قونویا باغلی آچیقلاماسیندا،
"سوریهده چاتیشان طرفلر آراسیندا، اؤلکهده 30 دسامبر گونو ساعات 00.00 اعتباری ایله آتیشکسه گئدیلمهسی قونوسوندا بیر آنلاشمایا واریلمیشدیر" دئییلدی.
آچیقلامادا، سوریهده الده اولونان آتیشکس ایله ایلگیلی،
"بیرلشمیش میلتلر تشکیلاتینین گوونلیک شوراسی طرفیندن ترور هؤرگوتو اولاراق قبول ائدیلن قروپلار بو آنلاشمانین دیشیندادیر. بو دوزنلمهیه تورکیه و روسیا گارانتور صیفتیله دستک وئرمکدهدیر" ایفادهلرینه یئر وئریلدی.
روسیا دؤولت باشقانی ولادیمیر پوتین ده، سوریه حکومتی ایله مخالیفتین آتیشکس آنلاشماسی ایمضالادیغینی آچیقلادی.
خاریجی ایشلر باخانی سرگئی لاوروو و ساوونما باخانی سرگئی شویگو ایله گؤروشن پوتین، دمشق رژیمی ایله مخالیفت آراسیندا اوچ سند ایمضالاندیغینی ایفاده ائتدی.
پوتین،
"ایلک سند، سوریه تورپاقلاریندا آتیشکس تامین ائدیلمهسی ایله ایلگیلی. ایکینجی سند، آتیشکس رژیمینین کنترلو ایله ایلگیلی تدبیرلره یؤنهلیک. اوچونجو سند ایسه سوریهده چؤزوم اوچون باریش دانیشیقلارینین باشلادیلماسی حاقیندا بیر بیلدیری" دئدی.