حلبده توپلو مزارلار تاپیلدی
"بعضی جسدلر پارچالانمیش وضعیتده و وطنداشلارین بیر چوخو باشلاریندان وورولاراق اؤلدورولموش"
سوریهنین حلب شهرینده، ایشگنجه و زوراکیلیغا معروض قالان وطنداشلارین باسدیریلمیش اولدوغو توپلو مزارلار تاپیلدی.
روسیا ساوونما باخانلیغی سؤزچوسو ایگور کوناشئنکوو؛
"وحشیجه ایشگنجهیه و شدته معروض قالمیش اونلارجا سوریهلینین اولدوغو توپلو مزارلار اورتایا چیخاریلدی. بعضی جسدلر پارچالانمیش وضعیتده و وطنداشلارین بیر چوخو باشلاریندان وورولاراق اؤلدورولموش. گؤرونن او کی، بو داها باشلانغیج" دئدی.
بوتون تاپینتیلارین تروریستلرین تؤرتدیگی ان آغیر ساواش جینایتلری اولاراق دقتله ثبت ائدیلدیگینی ایفاده ائدن روس یئتکیلی،
"سؤزده مخالیفلرین لندن و پاریسدکی آوروپالی دستکچیلرینین، مخالیفلرین گئرچکده کیملر اولدوغونون فرقینه چاتمالاری اوچون دونیا بو تاپقیلار حاقیندا بیلگیلندیریلهجک" دئدی.
کوناشئنکوو، دوغو حلبی اوزون مدت اللرینده ساخلایان مخالیفلرین، تخلیهلر سیراسیندا شهردن آیریلمادان قاباق انفجاری تلهلر و مینلر بوراخدیقلارینی دا وورغولادی.
اینگیلتره مرکزلی سوریه اینسان حاقلاری ایزلمه هؤرگوتو ده، یئرلی منبعلردن توپلادیغی معلوماتلار ایشیغیندا بو تیپ انفجاری تلهلر نتیجهسینده سون بیر هفتهده 63 عسگر و وطنداشین حیاتینی ایتیردیگینی بیلدیردی. هؤرگوت، اؤلن شخصلر آراسیندا مین تمیزلمه فعالیتینده اولان عسگرلرین یانیندا یاغماجیلارین دا اولدوغونو وورغولامیشدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب