پوتین سانحه ایله ایلگیلی دانیشدی
قضانی آراشدیران روس مفتیش‌لر، ترور سالدیریسی دا داخیل اولماق اوزره قضایا یول آچان هر احتیمالی آراشدیردیق‌لارینی سؤیله‌دی
روسیا دؤولت باشقانی ولادیمیر پوتین، 92 نفرین اؤلومونه سبب اولان دوننکی اوچاق قضاسیندا حیاتینی ایتیرن‌لرین یاخین‌لارینا باش‌ساغلیغی چاتدیردیغینی سؤیله‌دی.
کولکتیو گوونلیک آنلاشماسی هؤرگوتونون بو گون گئچیریلمه‌سی پلان‌لاش‌دیریلان دؤولت باشقان‌لاری ذیروه‌سی اؤنجه‌سینده قازاقیستان پرزیدنتی نور سلطان نظربایئو ایله سن پترزبورگ دا گؤروشن ولادیمیر پوتین، قضایا باغلی دانیشدی.
پوتین، سانحه‌نین سوروشدورماسی اوچون اولاشدیرما باخانی‌نین باشقانلیغیندا کمیسیون قورولاجاغینی ایفاده ائده‌رک، سبب‌لری‌نین اورتایا چیخاریلماسی اوچون دقتلی بیر سوروشدورمانین آپاریلاجاغینی و یاخین‌لارینی ایتیرینلره دستک اوچون هر شئیین ائدیله‌جیینی بیلدیردی.
قضانی آراشدیران روس مفتیش‌لر ده، ترور سالدیریسی دا داخیل اولماق اوزره قضایا یول آچان هر احتیمالی آراشدیردیق‌لارینی سؤیله‌دی.
بو آرادا روس‌لار، قضادا حیاتینی ایتیرن‌لری آنیر.
اوستانکینو تلویزیونونون مرکز بیناسی قارشیسیندا توپلانان موسکووا‌لی‌لار چیچک بوراخدی و شام یاندیرا‌راق قضادا حیاتینی ایتیرن 9 ژورنالیستی آندی.
بیر آنما مراسیمی ده دونیادا قیزیل اوردو کر گروپو اولا‌راق بیلینن آلکساندروو انسمبل قرارگاهی قارشیسیندا تشکیل ائدیلدی.
