سعد حریری لبنان-ین یئنی باش ناظیری اولدو

لبنان-دا 2014-جی ایلدن اعتباراً داوام ائدن حکومت بحرانی دونن نهایت سونا چاتدی.

لبنان-ین یئنی باش ناظیری موستقبل حرکاتی‌نین لیدئری سعد حریری اولدو.

حکومتین قورولماسی ایستیقامتین‌دکی ایلک آددیم سعد حریری-نین پرزیدنت سارایینا گئتمه‌سی اولدو.

داها سونرا پارلامئنت‌ین صدری نبیه بری سارایا گلدی.

سون گؤروش‌دن سونرا پرزیدنت میشل عون-ون کابینه‌نی تصدیق ائتدیگی بیلدیریلدی.

بئله‌لیکله، 46 یاشین‌داکی موستقبل حرکاتی‌نین لیدئری سعد حریری لبنان-نین باش ناظیری اولدو.

قئید ائدک کی، 2005-جی ایلده سوء-قصد نتیجه‌سینده حیاتینی ایتیرن لبنانین سابیق باش ناظیری رفیک حریری-‌نین اوغلو سعد  2009-2011-جی ایللر آراسیندا دا باش ناظیر وظیفه‌سینده ایشله‌میشدی.

لبنان-ین خاریجی ایشلر ناظیری گبران باسیل، ایچ ایشلری ناظیری نوهاد ماشنوک، ساوونما ناظیری یعقوب صراف اولدو.

لبناندا 2014-جو ایلدن اعتباراً حکومت قورولا بیلمیردی و باشدا حزب الله اولماقلا، بعضی قروپ‌لار سعد حریری نین باش ناظیر اولماسینا قارشی چیخیردی.