ایسرائیل تورکیه‌دن تشککور ائتدی
ایسرائیل پرزیدنتی روون ریولین، تورکیه‌نین اؤلکه‌سینه گؤندردیگی یانقین سؤندورمه وسایل‌لری سببیله پرزیدنتی رجب طیب اردوغانا تشککورلرینی چاتدیردی
ایسرائیل پرزیدنتی روون ریولین، تورکیه‌نین اؤلکه‌سینه گؤندردیگی یانقین سؤندورمه وسایل‌لری سببیله پرزیدنتی رجب طیب اردوغانا تشککورلرینی چاتدیردی.
ایکی لیدر بیر تلفون گؤروشمه‌سی رئاللاشدیردی.
گؤروشمه‌ده، ایکی اؤلکه آراسین‌داکی ایرتیباط‌لارین یانیندا ایسرائیل‌دکی اذان قاداغانلیغی قانون لاییحه‌سی ده گوندمه گلدی.
اردوغان، ریولینه، اذان‌ین هوپارلؤرلردن اوخونماسینی قاداغان ائدن قانون لاییحه‌سینی سوروشدو.
ریولین، بوتون ایفاده و دین آزادلیغی موضوعلاری کیمی بون‌لارین دا حساس‌لیقلا نظره آلیناجاغینی ایفاده ائتدی.
ایسرائیل‌دکی یانقین‌لاری سؤندورمه ایشلرینه قاتیلماق اوچون اؤلکه‌سینه گئدن تورک خلبان‌لار ایله گؤروشدوگونو ایفاده ائدن ریولین، اردوغان ایله ائتدیگی گؤروشمه‌ده؛
"تورک خلبان‌لار چوخ یاخشی ایش ائتدیلر و بوتون ائتدیک‌لرین‌دن اؤتورو اؤزلرینه میننتداریق. یانقینا قارشی موباریزه ائدرکن احتیاج اولدوغوندا بیزه کؤمک گؤندرمه قرارینیزا گؤره سیزه ان اوره‌گدن دویغولاریمیزلا تشککور ائدیریک. خلبان‌لاری‌نین جسور اورک‌لری و قابیلیت‌لری ایله بیزه بؤیوک یاردیم‌لار ائتدیلر." دئدی.
اردوغان دا ایکی اؤلکه‌نین یئنی تعیین اولونموش سفیرلری‌نین یاخیندا وظیفه‌لرینه باشلایاجاغینی ایفاده ائده‌رک؛
"تورکیه و ایسرائیل آراسین‌داکی باغلانتی‌لارین نورماللاشدیریلماسی بوتون بؤلگه اوچون بؤیوک بیر اهمیته صاحب. طبیعی گاز موضوعسوندا ایشه داوام ائدجگیمیزی بیلیریک. انرژی باخان‌لاریمیز آراسین‌داکی دانیشیق‌لار میوه‌سینی وئره‌جک." دئدی.
ریولین همچینین، غزه‌ده حماسین الینده اولدوغو ادعا ائدیلن ایسرائیل عسگرلری اورون شاول و هادار گولدینین جسدلری‌نین ایسرائیله گتیره‌رک دفن ائدیلمسی‌نین تامین ائدیلمه‌سی اوچون اردوغان‌دان "الین‌دن گلنی ائتمه‌سینی" ایسته‌دی.
