حشمت الله فلاحت پیشه: ایران- عراق ساواشین‌داکی رولودان اؤتورو بغداد حکومتین‌دن تضمینات آلینمالی

میللت وکیلی فلاحت پیشه، ایرانین میللی قزئت‌لرین‌دن اسلام جمهوریتی‌نه وئردیگی موصاحیبه‌ده، "عراق‌دان تضمینات آلماق گؤز آردی ائدیله‌جک بیر موضوع دئییل." دئدی

589875
حشمت الله  فلاحت پیشه:  ایران- عراق ساواشین‌داکی رولودان اؤتورو بغداد حکومتین‌دن تضمینات آلینمالی

ایران مجلیسی خاریجی سیاست و میللی امنیت کومیسیونو‌نون عضوو حشمت الله فلاحت پیشه، اؤلکه‌سی‌نین، یوز مین‌لرله نفرین اؤلدوغو ایران- عراق ساواشین‌داکی رولودان اؤتورو بغداد رهبرلیگین‌دن تضمینات طلب اولماسینین لازیم اولدوغونو ادعا ائتدی.

میللت وکیلی فلاحت پیشه، ایرانین میللی قزئت‌لرین‌دن اسلام جمهوریتی‌نه وئردیگی موصاحیبه‌ده، "عراق‌دان تضمینات آلماق گؤز آردی ائدیله‌جک بیر موضوع دئییل." دئدی.

عراق دولتی‌نین ساواشداکی رولو سببیله تضمینات طلبی‌نین بیرلشمیش میللت‌لر تشکیلاتی‌نین امنیت شوراسی‌نین 598. قرارین‌دان حاق‌لی اولدوغونو و دؤورون بیرلشمیش میللتلر باش کاتیبی خاویر پرز ده کوئللارین تضمینات میقدارینی 96 میلیارد دو‌لار اولا‌راق تعیین ائتدیگینی ایره‌لی سورن فلاحت پیشه، بو رقمین آکتوال‌لاشا‌راق اؤدنمه‌سی لازیم اولدوغونو ساووندو.

فلاحت پیشه، "جان ایتکی‌سی‌نین یانیندا ایرانین مرز بؤلگه‌لرین‌دکی شهرلرین آلت یاپیلاری یوخ ائدیلدی. ایرانین تضمینات حاقین‌دان ایمتیناع کیم اولورسا خالقین قارشی‌سیندا حساب وئره‌جکدیر.ایراندا کیمسه تضمینات حقوقون‌دان ایمتیناع ائتمیش دئییل." دئیه دانیشدی.

ایران‌لی میللت وکیلی، آلمانیانین ایکینجی دونیا ساواشیندا رولو سببیله دیگر آوروپا اؤلکه‌لرینه تضمینات اؤده‌دیگینی خاطیرلادا‌راق عینی مکانیزمین عراق اوچون ده قورولا ایفاده ائتدی.

ایران ایله عراق آراسیندا 1980-1988-جی ایللر آراسیندا یاشانان ساواشدا ایکی طرف‌دن یوز مین‌لرله اینسان اؤلموشدو.



ایلگیلی‌لی خبرلر